Almatyda Halyqaralyq Roche jáne Nobel kompanıalarymen birlesip, sút bezi obyryna qarsy dárilik preparattar óndirisin oqshaýlaý jónindegi joba iske qosyldy. Joba Almaty farmasevtıkalyq fabrıkasynyń bazasynda júzege asyrylyp otyr, dep habarlaıdy aqshamnews.kz
Densaýlyq saqtaý mınıstriniń qatysýymen ótken kásiporynnyń ashylý saltanatynda, onkologıalyq aýrýlarǵa qarsy asa mańyzdy preparattardy Qazaqstanda óndirýdiń qazaqstandyq pasıentter úshin obyrdy emdeýdiń zamanaýı ádisterine qoljetimdilikti arttyrýǵa jáne ómir súrý uzaqtyǵyn jaqsartýǵa múmkindik beretini atap ótildi.
Memleket basshysy eldegi farmasevtıkalyq óndiristiń úlesin farmasevtıkalyq naryqtyń jalpy kóleminiń 50%-na deıin jetkizý mindetin qoıǵan bolatyn.
2029 jylǵa deıingi ulttyq damý jospary aıasynda jahandyq farmasevtıkalyq korporasıalarmen áriptestik ornatý, ınvestısıalar tartý jáne óndiristi oqshaýlaý úshin tehnologıalar transferti men jańa ázirlemelerdi engizý sharalary qarastyrylǵan. Bul elimizdiń ımporttyq preparattarǵa táýeldiligin azaıtyp, olardyń qunyn tómendetýge jáne otandyq pasıentter úshin qoljetimdiligin arttyrýǵa yqpal etedi.