Almaty qalasyndaǵy Tergeý ızolátorynda jatqan týystaryna nemese tanystaryna esirtki tasıtyndar az emes.
Jýyrda № 72 mekemede (Tergeý ızolátory) tergeý tutqynynda jatqan 23 jastaǵy Qyrǵyzbaı atty jigitke ákelgen sálemdemeniń ishinen esirtki untaǵy tabyldy. Tyıym salynǵan zatty jetkizýshi ony sýsabynnyń ishine jasyrypty, dep habarlaıdy Almaty-akshamy.kz Polisia.kz- ke silteme jasap.
Tergeý tutqynyndaǵy Qyrǵyzbaı Qylmystyq kodekstiń 188 jáne 291-baptary boıynsha tutqyndalyp, Almaty qalasy Áýezov aýdany sotynyń úkimimen 5 jyl bas bostandyǵynan aıyrý jazasyna kesilgen bolatyn.
Sot úkimi 18 qazan kúni kúshine engen. Buryn da sotty bolǵan tanysyna esirtki tasymaldaǵan Asqar atty jigittiń áreketine qatysty Túrksib aýdandyq Polısıa basqarmasynan jedel-tergeý toby shaqyrylyp, QK 296-babynyń, 2-bóligi boıynsha qylmystyq is qozǵaldy.