Almaty qalasy Áýezov aýdanynyń tártip saqshylary anyqtaǵandaı, jastar túngi ýaqytta áreket etken.
Olar keń kólemdi platformalardy, kóbinese ótkelderdegi beton qabyrǵalardy paıdalandy. Kúdiktiler ustalyp, prokýratýranyń úılestirýimen qamaýǵa alyndy. Esirtkilerdi nasıhattaý jáne jarnamalaý deregi boıynsha qylmystyq is tergelip jatyr, dep habarlaıdy aqshamnews.kz Polisia.kz-ke silteme jasap.
– Kúdiktilerdiń biri – 18 jasta, ekinshisi – 22 jasta. Ekeýi de basqa jaqtan kelgender, Almatyda turaqty jumysy joq. Ustalǵandardyń aıtýynsha, olar “ońaı aqsha tabýdy” ınternetten tapqan. Olardyń “jumys berýshileri” mindetti túrde anyqtalyp, jaýapqa tartylatyn bolady, – deıdi Áýezov aýdandyq polısıa basqarmasynyń bastyǵy Danıar Meńdebaev.
Almaty qalalyq PD esirtki qylmysyna qarsy kúres basqarmasynyń aıtýynsha, jyl basynan beri polıseıler 37 esirtki satýshyny ustady. Esirtki satýdy nasıhattaǵan 451 ınternet-resýrs buǵattaldy.