Týǵan ólke shejiresi sýretterde syr shertti
Ábilhan Qasteev atyndaǵy memlekettik óner murajaıynda belgili sýretshi Qaıyrbaı Zákirulynyń kórmesi ashyldy. Ol el Táýelsizdiginiń 30 jyldyǵyna oraı uıymdastyrylǵan. Sýretshi ekspozısıasynan týǵan ólkeniń ótkeni men búgini erekshe kórinis tapqan, dep habarlaıdy Almaty-akshamy.kz Almaty.tv-ǵa silteme jasap.
Kórmege sýretshiniń sońǵy eki jylda oryndaǵan jumystary qoıylǵan.
«Ashylǵan kórme taqyryby «Mınotavrlar zamany» dep atalady. Týyndylarǵa, kompozısıalarǵa qarasańyzdar, árıne, bizdiń kúndelikti kórip júrgen, naqty realısik beıneni kórmeımiz. Bul jerde mıstıkalyq beıne. Búgingi kúnniń shyndyǵyn, sonyń ishinde, adamnyń qundylyǵynyń joǵalýy, ýaqyt pen sezimniń tragedıasyn bir mysqylmen, sarkazmmen kórsetedi», – dedi Á. Qasteev atyndaǵy óner murajaıynyń grafıka jáne músin sektorynyń jetekshisi Samal Mamytova.
Murajaıdaǵy jańalyqtar munymen toqtaǵan joq. Reseılik jas qylqalam sheberi Iýlıa Vırko Work in Progress kórmesin halyq nazaryna usyndy. Óziniń alǵashqy jeke kórmesi arqyly avtor kórermendi shyǵarmashylyq úderiske enýge shaqyrady. Ekspozısıa «vızýaldy» labırınt degendi bildiredi. Labırınttiń syrtqy perımetri sýretshi jumysynyń «nátıjesin» kórsetse, ishki bóligi «úderis» avtordyń sezimderin júzege asyratyn týyndylarynyń jasalý barysyn pash etedi. Kórme sýretshiniń ár jyldardaǵy keskindemelik jumystaryn biriktiredi.