Bala parapet arqyly arǵy betke ótpek bolǵan
Jedel áreket etý arnaýly jasaǵynyń (SOBR) jaýyngeri Esentaı ózenine sýǵa batyp bara jatqan 14 jastaǵy Romandy qutqaryp qaldy, dep habarlaıdy Almaty-akshamy.kz Almaty qalalyq Polısıa departamenti baspasóz qyzmetine silteme jasap.
Oqıǵa keshe Almaly aýdanynda keshki saǵat segiz jarym shamasynda bolǵan.
«14 jasar Roman dostarymen birge Esentaı ózeniniń jaǵalaýynda bolǵan. Bala parapet arqyly arǵy betke ótpek bolady, biraq, ókinishke qaraı, súrinip, sýǵa qulap ketti. Bul kezde osy aımaqta quqyqtyq tártipti qamtamasyz etý úshin jaıaý jasaqtyń quramynda jedel qımyldaý arnaıy jasaǵynyń ınspektory Asqar Tortaı men ýchaskelik ınspektor Rýslan Qalıev kezekshilik atqaryp júrgen. Sýǵa batyp bara jatqan balany kórgen aǵa leıtenant Tortaı birden sýǵa sekirip, Romandy shyǵaryp aldy. Abyroı bolǵanda, qazir balada barlyǵy jaqsy. Ol ata-anasyna tapsyryldy», - dedi Almaty qalalyq polısıa Departamenti bastyǵynyń birinshi orynbasary, polısıa polkovnıgi Nurlan Almasbekov.
Qutqarylǵan balanyń anasy polısıaǵa alǵysyn bildirdi.
«Kómek kórsetkeni úshin polısıa qyzmetkerlerine alǵysym sheksiz. Olar dál ýaqytynda sol jerde boldy. Sol sátte ulymnyń janynan tabyldy. Balada bári jaqsy», - dep, alǵysyn bildirdi Romannyń anasy.