Memleket basshysynyń qala aýmaǵynda 2,5 mln aǵash otyrǵyzý jónindegi tapsyrmasyn oryndaý aıasynda qalalyq aýmaqtardy kógaldandyrý boıynsha úlken jumystar júrgizilýde. Bul týraly OKQ brıfıńinde Almaty ákimi Erbolat Dosaev jýrnalıserdiń suraqtaryna jaýap berdi.
"Jyl basynan beri Almatyda jasyl jelekterdi kútip ustaý jáne qorǵaý erejeleri qabyldandy. Soǵan sáıkes kóshetterdiń bıiktigi keminde 2-2,5 m bolýy tıis. 1 kóshet otyrǵyzýǵa arnalǵan búdjet 6 myń teńgeden 16 myń teńgege deıin ulǵaıtyldy. Bul somaǵa jasyl jelekti satyp alý, otyrǵyzý jáne sapaly kútim men 3 jyl sýarýdy qamtamasyz etý kiredi", - dedi Erbolat Dosaev.
Sýǵarý úshin 2022-2023 jyldary 34 sý jınaý qurylysy salyndy (sonyń ishinde 29 uńǵyma men 5 sý jınaý), tamshylatyp sýarý júıesi júrgizildi – 200 shaqyrymnan asa aýmaq 500 myńnan astam aǵashty qamtıdy.
Bıyl Almatynyń kógaldandyrý jospary 320 myń ekpeni quraıdy. Jalpy paıdalaný aýmaqtarynda barlyǵy 2,8 mln aǵash ósedi, onyń ishinde 79,6 myńy – kesýge jatatyn apatty jaǵdaıdaǵy aǵashtar.