Medeý aýdanynda qala kúnine oraı sport alańqaıy ashyldy.
Sport alańy basketbol, skeıtbordıng syndy sporttyń túrlerine qyzyǵatyn jastardy qoldaý maqsatynda salynyp otyr.
Tóle bı men Ormanov kósheleriniń qıylysyndaǵy bul keshenniń ereksheligi, kópirdiń astynda ornalasqan. Qala turǵyndary men qonaqtary kez kelgen ýaqytta kelip, sportpen aınalysa alady.
Ashylý saltanatynan keıin erler men áıelder arasynda basketboldan jarys uıymdastyrylyp, jeńimpazdar marapattaldy.
“Halyqty, ásirese jastardy salaýatty ómir súrýge, sportqa baýlýǵa áser etedi. Qazirgi tańda basketbol jáne skeıtbordıngke qyzyǵatyn áýesqoı sportshylar kóbeıip keledi. Sportty serik etken jastar jyl on eki aı shuǵyldana alady. Sondaı-aq bul alańda sporttyq is-sharalar ótedi”,- deıdi Medeý aýdany ákimi apparatynyń mádenıet jáne tilderdi damytý bóliminiń basshysy Aıdar Erkinuly.