Almatyda sporttyń úsh túrinen ótken kóktemgi lıga óz máresine jetti

2025 jylǵy 19 sáýiri men 1 maýsym aralyǵynda Almatyda stýdenttik lıganyń irikteý kezeńi ótti. Qala ákimdiginiń qoldaýymen ótken sportyq jarystarǵa megapolıstegi 35 joǵary oqý ornynan 500-den astam stýdent qatysty, dep habarlaıdy aqshamnews.kz

İrikteý kezeńiniń nátıjesinde jınalǵan upaı sanyna qaraı komandalar A jáne B dıvızıondaryna bólindi. Lıganyń turaqty maýsymy 2025 jyldyń qyrkúıeginde bastalyp, 2026 jyldyń mamyryna deıin jalǵasady. Barlyq oıyndar aınalmaly júıe boıynsha ótedi, bul barlyq komandalarǵa turaqty oıyn tájirıbesin qamtamasyz etpek.

Fýtboldan irikteý kezeńiniń jeńimpazdary:

I oryn — SDU University

II oryn — «Nur-Múbarak» ýnıversıteti

III oryn — Halyqaralyq aqparattyq tehnologıalar ýnıversıteti (HATÝ)

Voleıboldan biliktilik kezeńiniń jeńimpazdary:

Erler komandalary

I oryn — Qazaq sport jáne týrızm akademıasy

II oryn — SDU University

III oryn — Energetıka jáne baılanys ýnıversıteti

Áıelder komandalary

I oryn — Qazaq sport jáne týrızm akademıasy

II oryn — ál-Farabı ýnıversıteti

III oryn — Sátbaev ýnıversıteti

Basketboldan irikteý kezeńiniń jeńimpazdary:

Erler komandalary

I oryn — Turan University

II oryn — «IT Legion» HATÝ

III oryn — ál-Farabı ýnıversıteti

Áıelder komandalary

I oryn — Qazaq sport jáne týrızm akademıasy

II oryn — ál-Farabı ýnıversıteti

III oryn — Qazaq ulttyq qyzdar pedegogıkalyq ýnıversıteti

Týrnırdiń júldegerleri, sondaı-aq jeke nomınasıalar boıynsha úzdik oıynshylar kýboktarmen, medaldarmen marapattaldy jáne aqshalaı syılyqtarǵa ıe boldy.

–                        Sporttyń úsh túri boıynsha stýdentter lıgasyn qurý — Almatyda jastar sportyn damytýdaǵy mańyzdy qadam. Biz stýdentter tarapynan úlken qyzyǵýshylyqty kórip otyrmyz, sondyqtan, olardyń sporttyq bıikten kórinýlerine barlyq jaǵdaıdy jasaıtyn bolamyz, - dedi Almaty qalasy sport basqarmasynyń basshysy Darhan Nurhanuly.

Aıta keteıik, bul qala tarıhynda birden úsh tanymal sport túrin — fýtbol, voleıbol jáne basketboldy biriktirgen alǵashqy stýdentter lıgasy. Jańa joba jastar arasynda buqaralyq sportty damytý boıynsha aýqymdy bastamaǵa aınaldy, ári stýdenttik ortada sporttyq mádenıetti nyǵaıtýǵa baǵyttaldy.

İrikteý kezeńindegi oıyndar «Jas Qyran» stadıonynda, Balýan Sholaq atyndaǵy Sport saraıynda, Champion sport kesheni syndy qalanyń jetekshi sport alańdarynda ótti.

Stýdentter lıgasy jyl saıyn turaqty túrde uıymdastyrylyp, qalalyq sporttyq is-sharalar kúntizbesine enetin bolady.