Megapolıs ákimi Baqytjan Saǵyntaev «Almaty» TA-daǵy Akimat Live baǵdarlamasynyń tikeleı efıri barysynda KVI boıynsha sanıtarlyq-epıdemıologıalyq ahýal týraly aıtyp berdi dep habarlaıdy almaty-akshamy.kz
10 qarashada qalada koronavırýstyq ınfeksıanyń 179 754 jaǵdaıy tirkelgen, onyń ishinde 156 439 jaǵdaı sımptomdy jáne 23 315-i sımptomsyz, anyqtalmaǵan pnevmonıa – 2 671.
9 qarashada koronavırýstyq ınfeksıanyń 134 jaǵdaıy tirkeldi,onyń 130-y sımptomdarmen, 8-i anyqtalmaǵan pnevmonıa. Táýliktik ósim – 0,7%. Reprodýktıvti sany-0,883.
Infeksıalyq stasıonarlarda jalpy qýaty 2334 tósek-oryn 793 adam (20 bala), onyń ishinde 33-i asa aýyr, 343-i aýyr, 417-İ ortasha aýyr jaǵdaıda. ORIT-te-86 naýqas. ÓJJ-16, ınvazıvti emes ÓJJ – 45, High flow-da 20 apparat jumys isteıdi.
Búginde úıde AMSK mobıldi brıgadalarynyń jáne Telemedısına ortalyǵynyń baqylaýynda 1 506 pasıent bar, onyń 64-i sımptomsyz, 1 394-iniń jaǵdaıy jeńil, 47-si ortasha jáne 1-i aýyr dárejeli.
KVI dertin táýliktik tirkeý sanynyń azaıýyna baılanysty úshinshi eshelonnyń ınfeksıalyq stasıonarlaryndaǵy tósek-oryndar qysqartylýda. Sonyń ishinde Halyk Arena sport keshenindegi kovıdtik gospıtáldiń jumysy toqtatylady. Kelesi aıda ony negizgi profıl boıynsha burynǵy jumys rejımine qaıtarý josparlanýda.
Baqytjan Saǵyntaev sondaı-aq 11 qarashada jetkiziletin «Komırnatı» (Pfizer, AQSH) mRNK-vaksınasymen vaksınalaýǵa daıyndyq týraly habarlady.
Jalpy, 10 qarashadaǵy jaǵdaı boıynsha vaksınany 1 004 163 adam aldy. Egilgenderdiń jalpy sanynan 60 jastan asqandar 121 380 adamdy (12,1%) quraıdy. Búginde medısınalyq uıymdarda, mektepterde, mádenıet, sport obektilerinde, bazarlarda jáne qalanyń SOO-da 137 vaksınalaý pýnkti jumys isteıdi.
Almaty ákimi Baqytjan Saǵyntaev qala turǵyndaryn koronavırýsqa qarsy ekpe alýǵa shaqyrdy. Jaqynda revaksınasıa bastalatynyna qaramastan, keıbir qala turǵyndary vaksınanyń alǵashqy komponentin áli alǵan joq. Qala ákiminiń aıtýynsha, almatylyqtar ózderin jáne jaqyndaryn qorǵaý úshin jaýapkershilik tanytyp, vaksınalaýdan ótkenderi jón.