Almaty qalasy boıynsha QAJ departamentiniń №11 jáne №13 mekemelerinde 1 jeltoqsan –Dúnıejúzilik JITS-ke qarsy kúres kúnine oraı JITS ınfeksıasynyń taralý joldary men odan qalaı saqtaný týraly dárister ótkizildi.
Mundaı mańyzdy is-sharany №11 mekemede «Ravnyı-ravnomý» memlekettik emes uıymynyń jasóspirimderi ótkizdi. Olar atalǵan aýrýdyń taralýyna sebep bolatyn nashaqorlyq týraly dárister oqydy jáne shaǵyn sahnalyq qoıylymdar kórsetti, dep habarlaıdy aqshamnews.kz Polisia.kz-ke silteme jasap.
Al jazasyn óteýshi jasópirimder JITS taqyrybyna arnap salǵan qabyrǵa gazetterin qorǵap, sýret mazmunyn jan-jaqty túsindirip berdi. № 13 mekemede Almaty qalasy JITS ortalyǵynyń mamandary men №24 emhananyń dárigerleri jeke quram men sottalǵandarǵa qan arqyly beriletin ınfeksıalyq aýrýlar týraly dáris oqyp, tolyq aqparatpen qamtamasyz etti.