Almaty qalasy boıynsha QAJ departamentine qarasty №72 mekemesindegi sharýashylyq qyzmetindegi sottalǵandar jańa jyl merekesin Aıaz Ata jáne Aqsha qarmen birge toılady, dep habarlaıdy aqshamnews.kz Polisia.kz-ke silteme jasap.
– Ótken jyl elimiz úshin berekeli jyl boldy. Endi sanaýly saǵattardan keıin esik qaǵatyn jylan jyly da elimizge tynyshtyq pen mereke syılaıtyn qutty jyl bolsyn. Sizderdiń árqaısylaryńyzǵa bostandyqqa shyǵyp, januıalaryńyzben tabysýlaryńyzǵa tilektespin. Barlyqtaryńyzǵa jańa jylda jańa belester men amandyq tileımin, – dedi sottalǵandar aldynda quttyqtaý sóz sóılegen tárbıe bóliminiń bastyǵy Kádirbek Turlybekov.
Shyrsha merekesine belsendi qatysqan sottalǵandar Aıaz atadan syılyqtar alyp, aldaǵy jarqyn kúnderge degen senimderin nyqtaı tústi. Óz kezeginde sharýashylyq jasaǵyndaǵylar da merekeniń kóńildi ótýine at salysyp, án shyrqap, bı bıledi.