Almaty qalasy boıynsha QAJD-nyń №72 mekemesi – 1360 adamǵa arnalyp, álemdik standartqa saı salynǵan mekeme.
Sonymen qatar munda 60-qa jýyq sharýashylyq qyzmetindegi sottalǵan jazalaryn óteıdi. Tutqyndar men sottalǵandardyń densaýlyǵyn qadaǵalaý, dıagnoz qoıý jáne emdeý jumystaryn uıymdastyrýda qyrýar sharýa atqarylady. Mekemeniń medısına qyzmeti aýmaqtyq jaǵynan 24-emhanamen jáne 4-qalalyq klınıkalyq aýrýhanamen birlesip jumys isteıdi, dep habarlaıdy aqshamnews.kz Polisia.kz-ke silteme jasap.
Jaqynda atalǵan mekemede sharýashylyq jasaǵyndaǵy jazasyn óteýshilerdi profılaktıkalyq tekserý jumystary júzege asyryldy. Qazaqstan Respýblıkasy Densaýlyq saqtaý mınıstrliginiń 2018 jylǵy № 174 buıryǵynyń talaptaryna sáıkes júrgizilgen profılaktıkalyq tekserý jumystaryna №24 qalalyq klınıkalyq emhanasynyń basshysy G.Maıakova, emdeý-profılaktıkalyq jumys jónindegi orynbasary M.Alıeva jáne №72 mekemedegi medısınalyq bólimniń meńgerýshisi D.Nýrdınova jáne akýsher-gınekolog, psıhıatr, hırýrg, dermotolog, lor jáne travmatolog dárigerler qatysty. Tekserý barysynda sottalǵandar arasynda obyr jáne sozylmaly basqa da aýrýlardyń aldyn alý maqsatymen últradybystyq-zertteýlerden ótkizý jumystary uıymdastyryldy.