Almaty qalasy boıynsha qylmystyq-atqarý júıesi departamenti №13 mekemesindegi sottalǵandar aryz-shaǵymdaryn Bas prokýratýranyń aqparattyq júıesimen ıntegrasıalanǵan termınaldary arqyly elektrondy formatta bere alady, dep habarlaıdy Almaty-akshamy.kz Polisia.kz-ke silteme jasap.
Jýyrda Almaty qalasy Túrksib aýdandyq prokýratýrasynyń ókilderi atalǵan mekeme sottalǵandarymen kezdesý ótkizip, olarǵa aryz-shaǵymdardy kedergisiz berý jáne onlaın zańgerlik keńester alý algorıtmin túsindirdi.
«Almaty qalasy boıynsha QAJD-ǵa qarasty №13 mekemesi - qaýipsizdigi tómen mekeme. Munda sottalǵandardy ustaý tártibi arnaıy zań boıynsha bekitilgen. Aryz-shaǵymdy elektrondy túrde termınal arqyly berý burynnan qoldanylyp kele jatqan ádis. Al mekemege jańadan kelgen sottalǵandarǵa joǵarydaǵydaı túsindirý jumystary udaıy júrgizilip otyrady», – deıdi Almaty qalasy boıynsha QAJD-ǵa qarasty №13 mekemesiniń bastyǵy E.Jekenov.
Qylmystyq-atqarý júıesine sıfrlyq tehnologıalardy engizýdiń ózektiligin arttyrý maqsatynda uıymdastyrylǵan kezdesý kezinde termınaldarmen jumys isteý barysynda týyndaıtyn problemalyq máseleler de talqylanyp, sottalǵandar termınaldardyń jumysyn jaqsartý boıynsha óz usynystarymen bólisti.