Onda ánshi jigittiń polıseılerge qarsylyq bildirip, kólikten túspeı jatqanyn kórýge bolady.
Oqıǵaǵa qatysty Polısıa túsinik berdi, dep habarlaıdy Almaty-akshamy.kz.
Inbusiness.kz saıtynyń aqparatyna júginsek, Almaty qalalyq PD 14 maýsym Maılın kóshesiniń boıynda, soltústik baǵytta, jergilikti polısıa qyzmetiniń mamandandyrylǵan batalónynyń ekıpajy 1992 jyly týǵan A. esimdi azamattyń basqarýyndaǵy Lexus avtokóligin toqtatqan.
"Júrgizýshiniń minez-qulqy óreskel bolyp kórindi: ol agressıvti boldy, polısıanyń zańdy talaptaryna baǵynbady, turaqta turǵan Chevrolet kóligine zaqym keltirip, ustalǵan ornynan qashyp ketpek boldy.
Quqyq buzýshynyń joly buǵattaldy. Patrúldik polısıa qyzmetkerleri ony ustap, medısınalyq tekserýge alyp bardy. Saraptama nátıjesinde A. esimdi azamattyń esirtkige mas ekendigi belgili boldy", dep habarlady Almaty qalasy Polısıa departamentiniń baspasóz qyzmeti.
Qazir QR ÁQbK-niń 608-baby 3-bóligi, 613-baby 1-bóligi, 599-baby 1-bóligi, 596-baby 3-bóligi, 600-baby 1-bóligi jáne 230-baby 2-bóligi boıynsha hattamalar toltyryldy.
Kólik mamandandyrylǵan aıyppul turaǵyna qoıyldy. Óndiris materıaldary sheshim shyǵarý úshin sotqa jiberiletin bolady.