Almatyda sot sheshimi boıynsha zańsyz salynǵan kólik jýý nysany súrildi, dep habarlaıdy Almaty-akshamy.kz
Qala qurylysyn baqylaý basqarmasynyń dereginshe, Shuǵyla shaǵyn aýdanyndaǵy Jaqsybaev kóshesi, 5 mekenjaıyndaǵy ǵımarat ruqsat qujattarynsyz salynǵan.
Basqarma menshik ıesine qatysty jospardan tys tekserý júrgizip, kólik jýý qyzmetin kórsetken nysan tehnıkalyq jáne avtorlyq qadaǵalaýsyz, belgilengen tártippen saraptamadan ótpegen jobalaý-smetalyq qujattamasyz, sharýashylyq tásilmen salynǵanyn anyqtady. Buǵan qosa, nysan paıdalanýǵa berý aktisinsiz paıdalanyldy.
07.07.2022 j. menshik ıesine qatysty QR Ákimshilik quqyq buzýshylyq týraly kodeksiniń 316-babynyń 1, 321, 323-bóligi boıynsha ákimshilik sharalar qabyldandy jáne anyqtalǵan buzýshylyqtardy joıý týraly nusqama berildi.
17.09.2022 jyly basqarma Almaty qalasy Naýryzbaı aýdandyq sotyna zańsyz salynyp jatqan nysandy buzý týraly talap aryz joldady.
11.01.2023 jyly Almaty qalasy Naýryzbaı aýdandyq sotynyń sheshimimen talap aryz qanaǵattandyryldy, alaıda menshik ıesi apelásıalyq shaǵym túsirdi.
12.04.2023 jyly qalalyq sottyń qaýlysymen birinshi satydaǵy sottyń sheshimi ózgerissiz qaldyryldy. Jaqynda sot sheshimin oryndaý úshin zańsyz nysan májbúrli túrde buzyldy.