Sot oryndaýshysy qyzmetin atqarý barysynda soqqyǵa jyǵylǵan
Zańsyz nysandy súrý kezinde ot oryndaýshysy soqqyǵa jyǵyldy, dep habarlaıdy Almaty-akshamy.kz
QazAqparat agenttiginiń aqparatyna súıensek, osy oqıǵaǵa qatysty vıdeo áleýmettik jeliler arqyly taraǵan.
Respýblıkalyq jeke sot oryndaýshylar palatasynyń habarlaýynsha, sot oryndaýshy Bostandyq aýdandyq sotynyń sheshimine sáıkes, Vınogradnaıa 3/1 mekenjaıyna zańsyz nysandy súrý máselesimen barǵan.
«Shara qoldaný 4 qazan túski saǵat 11.00-ge josparlanǵan bolatyn. Sot oryndaýshy aýmaqqa polısıa qyzmetkerlerimen kirdi. Polısıa qyzmetkerleriniń janynda belgisiz bireýler sot oryndaýshysyna qysym jasaı bastady. Olar sot oryndaýshysyna óz mindetin oryndaýǵa tyıym salyp, qorqytýǵa tyrysyp, keıin soqqyǵa jyqty», - dep habarlady respýblıkalyq jeke sot oryndaýshylar palatasynan.
Sot oryndaýshysy atalǵan derek boıynsha qylmystyq is qozǵaý týraly aryz jazdy. Qalalyq polısıa departamenti tıisti saraptamalar taǵaıyndalǵanyn málim etti.
«Bostandyq aýdandyq polısıa basqarmasy bul faktini tirkedi, sot oryndaýshysy úıdiń ıesine aryz jazdy, tıisti saraptamalar taǵaıyndaldy. Sonyń negizinde prosesýaldyq sheshim qabyldanady», - dep atap ótti PD baspasóz qyzmeti.