Qalada sanıtarlyq-epıdemıologıalyq ahýal ýshyǵa túsýde.
Almaty ákimi Baqytjan Saǵyntaev KVI dertiniń «delta» shtamynyń órshýi týraly aıtyp, almatylyqtardy vaksınalaný qarqynyn tómendetpeýge shaqyrdy, dep habarlaıdy Almaty-akshamy.kz.
Almaty ákimi Baqytjan Saǵyntaevtyń «Almaty» TA-daǵy Akimat LIVE baǵdarlamasynyń tikeleı efırinde aıtqan málimetteri boıynsha, 14 shildede koronavırýs ınfeksıasynyń 80 091 jaǵdaıy tirkeldi, onyń 62 956-y sımptomdy jáne 17 135-i sımptomsyz, anyqtalmaǵan pnevmonıa – 2025.
13 shildede 640 jaǵdaı tirkeldi, onyń 574-i sımptomdy, 66-y sımptomsyz, anyqtalmaǵan pnevmonıa – 4.
Búginde qýattylyǵy 5200 tósek-orynǵa ulǵaıǵan ınfeksıalyq stasıonarlarda barlyǵy 1947 pasıent, onyń ishinde 168 bala emdelýde. Sonymen qatar, naýqastardyń 55-iniń jaǵdaıy óte aýyr, 428-i aýyr, 1464 ortasha aýyrlyq dárejede. Jansaqtaý jáne ıntensıvti terapıa bólimderinde barllyǵy 133 naýqas bar. ÓJJ apparatynda – 28, ınvazıvti emes ÓJJ – 46, High flow apparatynda – 42.
Qalada sanıtarlyq-epıdemıologıalyq ahýal ýshyǵa túsýde. "Delta" nusqasyna qatysty KVI dertiniń edáýir ósýi jalǵasýda. Sońǵy 7 kún ishinde KVI-diń sımptomdy aýrýlarynyń úles salmaǵy ótken 7 kúnmen salystyrǵanda 2 esege ósken, 53%-dan 88%-ǵa deıin, bul KVI-diń aýyr klınıkalyq kórinisin qalyptastyratyn "delta" nusqa aınalymynyń tez taralýy saldarynan bolýda.
Sońǵy 2 aptadaǵy jas quramynyń taldaýy "delta" nusqasynyń joǵary kontagıozdy bolýynan balalar men jastarǵa vırýs tez juǵýda: 2%-ǵa tómendeýine qaramastan 14 jasqa deıingi balalardyń úlesi 13%-dyq joǵary kúıinde qalýda; 20 jastan 40 jasqa deıingi azamattar arasynda derttiń eń joǵary deńgeıge 3,4%-ǵa (39%) asqynýy úlken alańdaýshylyq týdyrýda. Sondaı-aq 40-59 jastaǵylar arasynda juqtyrý deńgeıi – 25%, ıaǵnı, árbir 4-shi adam ınfeksıa juqtyrǵan. 60 jastaǵy aǵa býyn arasynda juqtyrýdyń úles salmaǵy 1,6%, bul ımmýndaný men mobıldiliktiń tómendiginiń nátıjesi.
Jumyspen qamtý boıynsha sońǵy 14 kúnde KVI derti ózin-ózi jumyspen qamtyǵandar arasynda basym – 37% (ósim 2%), túrli JSHS, JK, AQ qyzmetkerleri arasynda – 19% (burynǵy deńgeıden), zeınetkerler arasynda – 16,6% (0,8%-ǵa tómen), sondaı-aq mektep oqýshylary arasynda – 10,1% (0,2%-ǵa tómen) jáne mektep jasyna deıingi balalar arasynda – 6,7% (sol deńgeıde), bul naýqastar sanynyń 90%-yn quraıdy.
Infeksıa juqtyratyn naqty oryndar: sońǵy aptada aldyńǵy sońǵy aptamen salystyrǵanda KVI-di otbasynda juqtyrý 9%-ǵa tómendedi, týystarymen, kórshilerimen, dostarymen baılanysta bolǵandar – 0,2%-ǵa azaıdy.
Sońǵy 7 kúnde KVI juqtyratyn negizgi oryndar saýda nysandary – 31%, otbasylarda – 18%, qoǵamdyq kólikte – 16%, bazarlarda – 11% jáne qoǵamdyq tamaqtandyrý oryndarynda – 4%.
Almaty ákimi Baqytjan Saǵyntaev qalalyqtardy KVI-diń aldyn alýdyń eń tıimdi ári jalǵyz qorǵany bolyp tabylatyn vaksınalaný qarqynyn tómendetpeýge shaqyrdy. 14 shildedegi jaǵdaı boıynsha 615 661 adamǵa vaksınanyń I komponenti egildi. Ótken táýlikterde vaksınalanǵandar: 15 257 adam. Ekpe alǵandardyń jalpy sanynan 60 jastan asqandar 91 263 adamdy quraıdy.
Qalada medısınalyq uıymdarda, mektepterde, mádenı jáne sporttyq mekemelerde, bazarlarda jáne SOSO 212 vaksınasıa (250-ge deıin ulǵaıtý múmkindigi bar) pýnkti jumys isteıdi. Quramynda 1260 adam bar 308 ekpe brıgadasy jumyldyrylǵan.