Onlaın formatta ótkelí jatqan forumda tūńǵysh ret muzyka naryǵynyń úzdík spıkerlerí bas qospaq.
QR Úkímetí men Almaty qalasy ákímdígíníń janyndaǵy kreatıvtí ındustrıyalardy damytu jóníndegí jobalyq keńseníń qoldauymen 2021 jylǵy 28-29 shíldede saǵat 12:00-den 19:00-ge deıín elektrondyq muzykanttarǵa arnalǵan bírínshí halyqaralyq onlaın-forum ótedí, dep habarlaıdy Almaty-akshamy.kz.
Forumnyń maqsaty: Qazaqstandyq elektrondy muzykanttar men saund-prodyuserlerdí bír ortaǵa bíríktíru. Osy salada álemníń úzdík spıkerlerínen bílím aluǵa múmkíndík jasau.
Onlaın formatta ótkelí jatqan forumda tūńǵysh ret muzyka naryǵynyń úzdík spıkerlerí bas qospaq. Reseı, Ukraına, AQSh jáne Europa elderíníń áıgílí dıdjeılerí, saund-prodyuserlerí, A&R menedjerlerí, promouterler, radıostantsıyalar men teledıdar ókílderí, kreatıvtí ındustrıyalar basqarma ókílderí, elektrondyq jáne zamanauı muzyka festıvalderín ūıymdastyrushylar UYA Forum onlaın-alańyna jınalmaq.
Bízdíń qauymdastyq jas talanttardy qoldau úshín qūrylǵan. Bíz jańa ūrpaqtyń muzyka salasynda qarqyndy damuy úshín jūmys ísteımíz. Basty maqsatymyz – Qazaqstannan kóbírek jańa esímderdíń jáne hıtterdíń álemdík sahnalardan kórínuíne jaǵdaı jasau.
«UYA Forum 2021» daryndylardyń jolynan kedergílerdí alyp tastaıdy jáne muzyka ónerín jańadan bastaushylarǵa kómek beredí. Muzykanttar sapaly bílím men daǵdylardy tegín alady.
Onlaın-forum ayasynda qozǵalatyn taqyryptar:
Muzykalyq jobany damytu negízderí
Muzykany Qazaqstanda jáne odan tys jerlerde qalaı nasıhattauǵa bolady?
Shetelde muzyka ındustrıyasy qalaı jūmys ísteıdí?
Halyqaralyq leıbldermen, pablısherlermen baılanys jáne kommunıkatsıya.
Muzykany monetızatsıyalau: ártís bolǵysy kelgen adam tabys tabu úshín ístí neden bastauy kerek?
Imanbektíń jetístístígíníń tarıhy jáne onyń álemge áıgílí ártístermen jūmys tájírıbesí.
Almatydaǵy muzykalyq ekojúıení damytu jáne ony búkíl Qazaqstanǵa masshtabtau.
Bírínshí turdy qalaı ūıymdastyru kerek jáne eń úlken muzykalyq festıvaldarǵa qalaı qatysuǵa bolady?
Qazaqstandaǵy kreatıvtí ekonomıkanyń damuy.
Muzyka jazu boıynsha master-klastar jáne basqa da taqyryptar.
Forumǵa qatysushylar men spıkerler: dıdjeı jáne saund-prodyuser Imanbek Zeıkenov (Imanbek) , sondaı-aq Qazaqstan, Reseı, Ukraına, AQSh jáne Europa elderínen basqa da spıkerler. (Tolyq spıkerler tízímí forumnyń áleumettík jelílerínde bírneshe kezeńmen jarıyalanatyn bolady).