№1 Almaty troleıbýs parki uzyndyǵy 12 metr bolatyn tómen edendi Yutong ZK6128BEVG troleıbýstardyń birinshi partıasyn aldy, dep habarlaıdy Almaty-akshamy.kz
Jyljymaly sostav osydan 11 jyl buryn jańartylǵan bolatyn. Sol kezde qala qytaıdyń Neoplan Youngma markaly troleıbýstarynyń úlken partıasyn alǵan edi. Uzaq ýaqyt paıdalanǵandyqtan olardyń tozyǵy jetti.
Búgingi kúni Almatyǵa 55 troleıbýs jetkizildi. Aǵymdaǵy jyldyń 18 qarashasynan bastap №1, №9, №12, №5, №11, №25, №7, №19, №6. baǵyttarda 19 jańa jyljymaly birlikti iske qosý josparlanýda. Qalǵan troleıbýstar tehnıkalyq daıyndyqtan ótken soń jelige shyǵarylady.
Jańa «Iýtongtar» jolaýshylardyń jaıly ári qaýipsiz qozǵalysy úshin qajetti barlyq zattarmen jabdyqtalǵan. Elektr qýaty óship qalsa da, bul troleıbýstar kiriktirilgen batareıanyń arqasynda qozǵalysyn jalǵastyrady.
90 oryndyq kabınada beınebaqylaý júıesi, telefondardy zarádtaýǵa arnalǵan USB qosqyshtary jáne qýatty kondısıoner bar. Kabınada zamanaýı elektronıka ornatylǵan, onyń ishinde júrgizýshiniń áreketin tirkeıtin borttyq jazǵysh bar.
Tótenshe jaǵdaıda troleıbýs avtomatty órt sóndirý júıesimen jáne shuǵyl qyzmetterge qońyraý shalý túımesimen jabdyqtalǵan. Avtomatty qurylǵy jolaýshylardy jaıly otyrýlaryna, ońaı túsýlerine. qaýipsizdikterine yqpal etedi.
Jańa kólikti synap kórgen júrgizýshiler onyń manevrlik qabiletiniń joǵary ekenin atap ótedi. Bul Almaty kóshelerimen júrýge óte yńǵaıly.
Aıta keterligi, jańa troleıbýstardyń barlyq partıasy aǵymdaǵy jyldyń sońyna deıin jetkiziledi.