Jyldan-jylǵa gendik aýrýlardy anyqtaý jaqsaryp keledi
Almatyda Pedıatrıa jáne balalar hırýrgıasy ǵylymı ortalyǵynyń pýlmonologıa bóliminiń 60 jyldyǵy aıasynda «Mýkovısıdozben aýyratyn naýqastardy dıagnostıkalaýdyń, emdeýdiń jáne ońaltýdyń zamanaýı aspektileri» taqyrybynda sheberlik saǵaty ótti, dep habarlaıdy Almaty-akshamy.kz.
Pedıatrıa jáne balalar hırýrgıasy ǵylymı ortalyǵy men QR Pedıatrlar Odaǵynyń uıymdastyrýymen ótken sharaǵa elimizdiń ár óńirinen 80-nen asa mamandar: pýlmonologtar, pedıatrlar, dıetologtar, gastroenterologtar, fızıoterapevt-dárigerler, rezıdentter, medısınalyq JOO stýdentteri, sonymen qatar, Qazaqstan respýblıkasynyń barlyq aımaqtarynan sırek (orfandyq) aýrýlar boıynsha óńirlik úılestirýshileri men ár oblystyń Densaýlyq saqtaý basqarmalarynyń ókilderi qatysty.
Sharany ótkizýdegi basty maqsat – QR dárigerleriniń biliktiligin arttyrý, tájirıbe almasý jáne medısınalyq qoǵamdastyqty mýkovısıdoz máselelerine nazar aýdartý.
Mýkovısıdoz - bul syrtqy sekresıa bezderiniń, sondaı-aq ómirlik mańyzdy músheler men júıelerdiń: tynys alý joldarynyń, asqazan-ishek joldarynyń, uıqy beziniń, baýyrdyń, silekeı jáne ter bezderiniń jáne reprodýktıvti júıesiniń zaqymdalýymen sıpattalatyn mýltıjúıeli, tuqym qýalaıtyn, ómirge qaýip tóndiretin aýrý.
Sheberlik saǵatty Reseıdiń jetekshi dárigerleri: m.ǵ.d., profesor, «N.P.Bochkov atyndaǵy MGǴO» FMBǴM-niń genetıkalyq epıdemıologıa zerthanasynyń bas ǵylymı qyzmetkeri Natalá Kashırskaıa, Reseı Densaýlyq saqtaý mınıstrliginiń «Ulttyq medısınalyq balalar densaýlyǵyn zertteý ortalyǵy» FMAM-nyń bilikti mamandary: m.ǵ.d., molekýlalyq mıkrobıologıa zerthanasynyń meńgerýshisi, mıkrobıolog Anna Lazareva, m.ǵ.d., profesor, joǵary sanatty pýlmonolog dáriger, pýlmonologıa bóliminiń meńgerýshisi Olga Sımonova, m.ǵ.k., pedıatr, nýtrısıolog Inna Sokolov, m.ǵ.d., endoskopıalyq zertteýler bóliminiń meńgerýshisi Maksım Lohmatov ótkizdi.
İs-sharanyń ashylýynda Pedıatrıa jáne balalar hırýrgıasy ǵylymı ortalyǵynyń Dırektorlar keńesiniń tóraıymy Marıam Omarova mýkovısıdozǵa arnalǵan sheberlik saǵaty bizdiń elimizdegi kúrdeli aýrýlardyń biri sanalatyn dertti dıagnostıkalaý, emdeý jáne ońaltýdy jaqsartýda taǵy bir qadam jasaýǵa múmkindik beretinin atap ótti.
«Búgingi shara Ortalyqtyń pýlmonologıa bóliminiń 60 jyldyq mereıtoıyna arnalýymen mańyzdy. Bólimniń qurylýy men damýyna akademık Kamal Sárýaruly Ormantaev, prof. Omarova Kúlán Omarqyzy, prof. Baıjanova Mýnıra Maıevna jáne basqa da mamandar úlken úles qosty. Pýlmonologıa bóliminiń birinshi meńgerýshisi Ten Olga Denısovna boldy. Bólimde qurylǵannan beri mýkovısıdozben aýyratyn balalarǵa erekshe kóńil bólinedi. Jyldan-jylǵa gendik aýrýlardy anyqtaý jaqsaryp keledi. Jańa emdeý tehnologıalaryn engizýdiń arqasynda naýqastardyń ómir súrý sapasy jaqsaryp, ómir súrý uzaqtyǵy artty. Eger buryn mýkovısıdozdy balalyq shaq kezdegi aýrý dep sanalsa, qazirgi tańda bul dertke shaldyqqan balalar eresek jasqa jetip, ómir jastary uzarýda», - dep atap ótti Marıam Omarova.
Jyl saıyn aýrýhanada ártúrli bronh-ókpe patologıasy bar 600-den astam balaǵa kómek kórsetiledi, 200-den astam telemedısınalyq keńester júrgiziledi. Mamandar elimizdiń barlyq aımaǵynda sheberlik sabaqtar, medısınalyq, konsýltatıvtik, ádistemelik kómek kórsetip keledi.