Psıhotroptyq - «mefedron»
Almaty qalasynyń 27 jastaǵy turǵynynan psıhotroptyq zaty bar 23 oqshaýlanǵan baılam tárkilendi, dep habarlaıdy Almaty-akshamy.kz qalalyq Polısıa departamenti baspasóz qyzmetine silteme jasap.
«Sot-hımıalyq saraptamanyń qorytyndysyna sáıkes, tárkilengen zattar psıhotroptyq - «mefedron» bolyp tabylady. Patrúldik polısıa ınspektorlary Túrkistan oblysynyń týmasyn ustady. Ol osy 23 dozany bizdiń aýdanǵa taratýdy josparlaǵany anyqtaldy. Patrúldik polısıa qyzmetkerleri tyıym salynǵan preparattar bar-joǵyn suraǵanda, er adam qolynda esirtki baılamdary bar ekenin birden moıyndady. Turǵylyqty mekenjaıyn tintý kezinde esirtkisi bar oraýsyz baılam men iri kólemdegi aqsha tabyldy jáne tárkilendi. QR QPK-tiń 128 babyna sáıkes QR QK-niń 297 baby 3 bóliginiń 1,3-tarmaǵynda kózdelgen qylmystyq quqyq buzýshylyqty jasady degen kúdikke ilingen adam ýaqytsha ustaý ızolátoryna qamaldy», - dedi, Áýezov aýdandyq polısıa Basqarmasynyń bastyǵy, polısıa podpolkovnıgi Ulan Ábilqaıyr.
Adamdar tobynyń aldyn ala kelisim boıynsha asa iri mólsherde psıhotroptyq zattardy zańsyz ıemdenýi, saqtaǵany jáne ótkizgeni úshin múlki tárkilenip, on jyldan on bes jylǵa deıingi merzimge bas bostandyǵynan aıyrý túrindegi jaza kózdelgen.