Almaty qalalyq PD esirtki qylmysyna qarsy kúres basqarmasynyń qyzmetkerleri jedel is-sharalardyń nátıjesinde eki kúdikti – erli-zaıyptylardy ustady.
Olar esirtkini zańsyz taratýmen aınalysqan, dep habarlaıdy aqshamnews.kz
Polisia.kz málimetinshe, esirtki Nurshashqan shaǵyn aýdanynda tárkilendi. Keıin turǵyn úıdi tintý kezinde ustalǵan adamdardan sıntetıkalyq esirtki, oraý materıaldary, elektrondy tarazylar men krıptoqurylǵylar tabyldy.
— Ókinishke qaraı, búginde jastar, sonyń ishinde erli-zaıyptylar esirtki taratýǵa kóbirek tartylýda. Olar jasyryn ınternet-arnalar arqyly uıymdastyrylǵan kóleńkeli naryqtyń bir bóligine aınalýda. Biz mundaı tizbekterdi toqtatýǵa jáne barlyq qatysýshylardy jaýapkershilikke tartýǵa bar kúsh-jigerimizdi salyp jatyrmyz, - dedi Almaty qalalyq PD esirtki qylmysyna qarsy kúres basqarmasynyń bastyǵy Murat Jumabaev.
Spıkerdiń aıtýynsha, atalǵan derek boıynsha QR QK-niń 297-baby 2-bóligine sáıkes qylmystyq is qozǵaldy. Kúdiktiler ýaqytsha ustaý ızolátoryna qamaldy. Sotqa deıingi tergeý jalǵasýda.