Ony alaıaqtar nómirlerdi aýystyrý úshin paıdalanady.
Jabdyq slottarynan qazaqstandyq jáne reseılik uıaly baılanys operatorlarynyń 80-nen astam SIM-kartasy tabyldy, dep habarlaıdy aqshamnews.kz
Almaty qalasynyń quqyq qorǵaý organdary men baılanys operatorlary arasynda jasalǵan memorandým sheńberinde prokýratýranyń úılestirýimen "Kıberpol" bólimshesiniń qyzmetkerleri "Sim-Box" jabdyǵyn paıdalaný faktisin anyqtady.
Sátbaev kóshesindegi ofısterdiń birinen kúdiktiden 3 "Sim-Box" qurylǵysy tárkilendi.
"Sim-Box" jabdyǵyn alaıaqtar jappaı qońyraýlar shalý, habarlamalar taratý jáne abonenttik nómirlerdi aýystyrý úshin paıdalanady.
Atalǵan fakti boıynsha abonenttik qurylǵynyń sáıkestendirý kodyn ózgertýge múmkindik beretin baǵdarlamalardy zańsyz paıdalaný týraly sotqa deıingi tergep-tekserý bastaldy (QR QK-niń 213-baby).
Bul sońǵy aıdaǵy osyndaı qural-jabdyqtardyń ekinshi ret anyqtalýy.
Almaty qalasynyń prokýratýrasy azamattardy qyraǵylyq saqtaýǵa shaqyrady. Eger sizde osyndaı jabdyqty qoldaný týraly aqparat bolsa, dereý quqyq qorǵaý organdaryna habarlańyz.
Sondaı-aq jeke derekterdiń qupıalylyǵyn saqtaý qajettigin eske salamyz: kirý kodtaryn, parólderdi jáne bank kartalarynyń derektemelerin bógde adamdarǵa bermeńiz.