600-den astam tárbıelenýshi qosymsha tegin bilim alady.
Almaty qalasynyń barlyq aýdandarynda qurylǵanyna 4 jyl bolǵan «Shyńǵa órleý» áleýmettik klýbynyń 10 bólimshesi sátti jumys isteýde. Klýbta kúnine 600-den astam tárbıelenýshi qosymsha tegin bilim alady. Jobany júzege asyrý úshin 150-den astam aǵa býyn ókilderi – zeınetkerler, múmkindigi shekteýli jandar, kóp balaly analar, bala kezinen múgedekterdiń qamqorshylary turaqty jumysqa ornalastyrylǵan, dep habarlaıdy Almaty-akshamy.kz.
2022 jyldyń 1 qarasha kúni klýbtyń qurylǵanyna oraı tárbıelenýshiler men ustaz-tálimgerler merekelik is-shara daıyndaǵan. İs-shara 2022 jyldyń 1 qarasha kúni saǵat 10.00-de İ.Jansúgirov atyndaǵy № 130 mektep gımnazıasynda "Tastaq-1" yqshamaýdany, 26 a mekenjaıy boıynsha ótedi.
«Shyńǵa órleý» áleýmettik jobasy 2019 jyldyń 1 qarasha kúni Astana qalasyndaǵy Táýelsizdik saraıynda ótken «Qazaqstannyń úzdik áleýmettik jobalary» (eldiń 224 áleýmettik jobasynyń arasynda) VII respýblıkalyq kórmesinde «Shyńǵa órleý» áleýmettik jobasy II orynǵa ıe boldy. Qazirgi ýaqytta áleýmettik joba qosymsha bilim berý qyzmetteri naryǵynda laıyqty oryn alady. Joba qyzmeti 1-4 synyp oqýshylaryna ómirlik tájirıbesin, bilimi men daǵdylaryn berýdiń úılesimdi prosesin qalyptastyrý arqyly elimizdiń jas jáne aǵa urpaqtary arasyndaǵy sabaqtastyq qaǵıdattaryn qalyptastyra otyryp, az qamtylǵan otbasynda tárbıelengen bastaýysh mektep jasyndaǵy balalarǵa tulǵalyq damýyna qolaıly jaǵdaı jasaıdy.