Shaǵyn jáne orta bıznes sýbektileri arasynda úzdik jańa jyldyq bezendirý konkýrsyna qatysýǵa ótinimderdi azyq-túlik jáne azyq-túlik emes dúkenderdi, qoǵamdyq tamaqtaný jáne qyzmet kórsetý salalaryn qosa alǵanda, kásipkerliktiń 60-tan astam ókili berdi, dep habarlaıdy aqshamnews.kz
Esterińizge sala keteıik, jańa jyl qarsańynda baıqaýdyń uıymdastyrýshysy Almaty qalasynyń kásipkerlik jáne ınvestısıalar basqarmasy boldy, ótinimderdi qabyldaý 2024 jylǵy 26 jeltoqsannan 2025 jylǵy 13 qańtarǵa deıin sozyldy.
Konkýrstyq komısıanyń quramyna Almaty qalasy Kásipkerlik jáne ınvestısıalar basqarmasynyń basshylary, Qoǵamdyq keńestiń, Qazaqstannyń restoratorlar klýby qaýymdastyǵynyń jáne «SHOB qorǵaý jónindegi Táýelsiz kásipodaq» QU-nyń músheleri kirdi.
Kelesi qatysýshylar tórt nomınasıa boıynsha jeńimpaz dep tanyldy:
* «Azyq-túlik dúkenin úzdik bezendirý» - «Rahat Lotte» (1 mln. teńge mólsherindegi sertıfıkat);
* «Azyq-túlik emes dúkendi úzdik bezendirý» - «Tellı»bıo-býtık (1 mln. teńge mólsherindegi sertıfıkat);
* «Qoǵamdyq tamaqtaný salasyndaǵy obektini úzdik bezendirý» - «Aurora» kafesi (1 mln. teńge mólsherindegi sertıfıkat);
* «Qyzmet kórsetý salasyndaǵy obektini úzdik bezendirý» - «Busy Bee» sulýlyq aýmaǵy (1 mln.teńge mólsherindegi sertıfıkat).
Baıqaýdyń Gran-prı ıegeri ABR meıramhanalar jelisi (2 mln. teńge kólemindegi sertıfıkat) boldy.
Júlde qory demeýshilik qoldaý esebinen qalyptastyryldy.
«Baıqaý qalamyzdyń kásipkerleri arasynda joǵary belsendilik pen qyzyǵýshylyqty kórsetti. Bıznes bul bastamaǵa úlken yntamen qarady, qala turǵyndary men qonaqtary úshin erekshe jańa jyldyq kóńil-kúı qalyptastyra aldy. Baıqaýdyń barlyq qatysýshylaryna kórsetken belsendiligi úshin alǵys aıtamyz. Biz birge qalamyzdy odan da ádemi ári jaıly etemiz», - dep atap ótti marapattaý rásimi barysynda Almaty qalasy Kásipkerlik jáne ınvestısıalar basqarmasynyń basshysy Álisher Satybaldıev.
Shaǵyn jáne orta bıznes sýbektileri arasynda úzdik jańa jyldyq bezendirý konkýrsyn uıymdastyrý joǵary áleýmettik jáne mádenı mańyzǵa ıe.
Mundaı bastamalar merekelik atmosferany qurýǵa, qalalyq estetıkany jaqsartýǵa, turǵyndar úshin qolaıly ortany nyǵaıtýǵa jáne megapolıstiń týrısik tartymdylyǵyn damytýǵa yqpal etti.