Radıoelektronıka jáne baılanys áskerı-ınjenerlik ınstıtýtynda sheteldiń áskerı joǵary oqý oryndaryna bilim alýǵa jiberiletin birinshi kýrs kýrsanttarynyń áskerı ant berý rásimi saltanatty túrde ótti, dep habarlaıdy aqshamnews.kz.
Reseı, Túrkıa jáne Ońtústik Koreıanyń oqý oryndarynda oqýǵa 40 birinshi kýrs stýdenti irikteldi. Mandattyq komısıa úmitkerlerdi muqıat tańdap aldy jáne olar bıylǵy jyly oqý ornynyń qataryn tolyqtyrǵan úzdikter ekenin atap ótý kerek.
Instıtýt bastyǵynyń birinshi orynbasary polkovnık Erjan Qabyshev kýrsanttardy mańyzdy oqıǵamen quttyqtady. Sát-sapar sózinde ol osy oqıǵanyń mańyzdylyǵyn atap ótip, kýrsanttarǵa oqýda sáttilik, qıyndyqtardy jeńýde tabandylyq jáne áskerı boryshty oryndaýda adaldyq tiledi.
– Ant berý – meniń Otan aldyndaǵy boryshymdy adal oryndaý degen sóz. Qazaqstannan kelgen kýrsant ataǵyn abyroımen alyp júrýge bel býdym, – dedi Tverdegi Áýe-ǵaryshtyq qorǵanys áskerı akademıasyna túsken kýrsant Abdýlazız Musajan.
Kýrsanttar úshin bul kún áskerı qyzmettiń bastamasy ǵana emes, aldaǵy ózgeristerdiń belgisi boldy. Jastar elimizdi kórkeıtý úshin sheteldiń áskerı oqý oryndarynda bilim alatyn bolady.