Almatyda Ózbekstan men Qyrǵyzstan azamatshalary ıntım qyzmet kórsetken, - dep habarlaıdy almaty-akshamy.kz Polisia.kz-ke silteme jasap.
Jezókshelikpen aınalysqan tórt sheteldik áıel jaýapkershilikke tartyldy. "Quqyqtyq tártip" jedel aldyn alý is-sharasy aıasynda qaladaǵy qonaqúılerdiń birinde ıntım qyzmet kórsetýmen aınalysqan 11 áıel anyqtaldy, olardyń tórteýi Ózbekstan men Qyrǵyzstan azamattary.
"Olar – 1997, 2000 jáne 2003 jyly týǵandar. Quqyq buzýshylar QR "Quqyq buzýshylyq profılaktıkasy týraly" zańynyń 29-baby boıynsha materıal jınaý úshin Alataý aýdandyq PB-ǵa jetkizildi, sodan keıin qabyldap-taratýǵa ornalastyryldy. Qonaqúıde ustalǵan alty áıelge qatysty QR ÁQBtK-niń 449-baby 1-bóligi boıynsha ákimshilik hattamalar toltyryldy. Al qonaqúı kesheniniń ıesi QR ÁQBtK-niń 450-baby 1-bóligi boıynsha jaýapqa tartyldy", – dedi Almaty qalalyq PD kóshi-qon qyzmeti basqarmasy bastyǵynyń orynbasary Gennadıı Men.
Eske sala keteıik, 14 qarashadan bastap qalada shetel azamattarynyń QR-da bolý erejelerin buzý derekterin anyqtaý, sondaı-aq zańsyz kóshi-qon arnalaryn jáne sheteldikterdi zańsyz tartýdy anyqtaý maqsatynda is-shara jumystary júrgizilip jatyr.