Qazaqstan álemdegi qaýipsizdik deńgeıi boıynsha reıtıńte 76-orynǵa taban tiredi.
Mundaı málimetti Ekonomıka jáne beıbitshilik ınstıtýty 2023 jyly Jahandyq beıbitshilik ındeksi zertteýi nátıjesinde usynǵan, - dep habarlaıdy almaty-akshamy.kz.
DailyMail, basylymynyń málimetine súıensek, zertteý barysynda 163 táýelsiz memleket pen terıtorıa qamtylǵan, onda qoǵamdyq qaýipsizdik deńgeıi, ishki jáne halyqaralyq urys, sondaı-aq mılıtarızasıa kórsetkishi eskerilgen.
Sonyń nátıjesinde, Islandıa - álemdegi eń qaýipsiz el boldy (ondaǵy janartaý belsendiligi eskergenniń ózinde), ekinshi oryn - Danıa, Irlandıa - úshinshi jáne Jańa Zelandıa - tórtinshi orynda tur.
AQSH aldyńǵy reıtıńterdegideı 131-orynda tur, onyń aldynda Ońtústik Afrıka (130) .
Segizinshi jyl qatarynan Aýǵanstan (163) álemdegi eń qaýipti el retinde keledi, odan keıin Iemen (162), Sırıa (161), Ońtústik Sýdan (160) jáne Kongo Demokratıalyq Respýblıkasy (159).
Zertteýge sáıkes, Eýropa álemdegi eń beıbit aımaq jáne eń beıbit on eldiń jeteýiniń mekeni eken. Qalǵan úsh beıbit el Azıa-Tynyq muhıty aımaǵynda ornalasqan. Taıaý Shyǵys pen Soltústik Afrıka álemdegi eń qaýipti aımaqtar retinde qala beredi.
Qazaqstan reıtıńte 76-orynǵa ıe boldy. Ózbekstan 86-orynda, Túrkimenstan men Qyrǵyzstan sáıkesinshe 100 -shi jáne 101-shi orynda. Qytaı 80-orynǵa ıe boldy, Túrkıa Iranmen birge 147-shi oryndy bóldi. Reseıge 158-oryn buıyrǵan.
Álemniń eń qaýipti ári qaýipsiz elderi reıtıńin tolyq tizimin myna jerden kóre alasyzdar.