«Taksı júrgizýshi — zańsyz kelýshi» jedel aldyn alý is-sharasy barysynda Maılın kóshesinde tanymal resýrsqa tirkelip alyp, jolaýshy tasymalymen aınalysqan 30 jastaǵy sheteldik azamattyń basqarýyndaǵy Toyota avtokóligi toqtatyldy.
Shyndyǵynda onyń mundaı quqyǵy joq. Shetel azamatyna qatysty QR ÁQbtK-niń 517-baby 5 bóligine sáıkes ákimshilik quqyq buzýshylyq týraly hattama toltyryldy, dep habarlaıdy aqshamnews.kz.
Polisia.kz-tiń málimetinshe, is materıaldary sheshim qabyldaý úshin sotqa jiberildi.
Kólik mamandandyrylǵan aıyppul turaǵyna qoıyldy. Almatyda «Taksı júrgizýshi — zańsyz kelýshi» is-sharasy aıaqtaldy. Bes kún ishinde barlyǵy 190 sheteldik ákimshilik jaýapkershilikke tartylsa, onyń 136-sy jeke tasymaldaýmen zańsyz aınalysqan.
Jeke basyn kýálandyratyn qujattarynyń bolmaýyna baılanysty 85 shetel azamaty PD-niń qabyldap-taratýyna ornalastyryldy. Sheteldik jumys kúshin tartý erejelerin buzǵan 12 jumys berýshi ákimshilik jaýapkershilikke tartyldy. QR-nyń kóshi-qon zańnamasyn buzǵany úshin 79 sheteldik elden shyǵaryldy.