Kózge ádemi kórinetin dúnıeniń bári kóńilge de jaılylyq syılaıdy.
Astana kúniniń qarsańynda Túrksib aýdanynda jańa art-nysan ashylyp, turǵyndar taǵy bir qýanyshty merekeledi, dep habarlady Almaty-akshamy.kz.
Jalpy, respýblıka sheńberinde kásipkerler ózara birigip, qoǵamdyq birlestik quryp, jınalǵan aqshaǵa osy nysandy jasatqan. «Sheksiz mahabbat» dep atalatyn art-nysandy Almatyǵa syıǵa tartty.
Otanǵa degen, álemge degen, jaqyndaryńyz ben týystaryńyzǵa degen súıispenshilikti bildiretin jańa nysan aýdannyń Arbatynan oryn tepti. Ashylý saltanatyna Túrksib aýdany ákiminiń orynbasary Emek Beseýov pen mádenıet jáne tilderdi damytý bóliminiń basshysy Qanat Álimbetov qatysyp, izgi tilekterimen bólisti. İs-sharaǵa qatysqan joba kásipkerleri bul bastamanyń áli de jalǵasyn tabatynyn aıtyp ótti.
«Pandemıalyq ahýalǵa baılanysty kóp adamdar qazir negatıvti kóńil kúıde júr. Kózge ádemi kórinetin dúnıeniń bári kóńilge de jaılylyq syılaıdy. Parkte serýendep júrgen turǵyndardy súıispenshilikke, jylýlyqqa bóleıtin mundaı nysandardyń qatary artqany durys. Ári qalamyzǵa da kórik beredi. Sondyqtan mundaı bastamalardyń odan ári jalǵasyn tapqany quba-qup», – dedi mádenıet jáne tilderdi damytý bóliminiń basshysy Qanat Álimbetov.