Oǵan 50 memleketten 300-ge jýyq shahmatshy keledi
Almatyda shahmattyń rapıd jáne blıs túrlerinen 2022 jylǵy álem chempıonaty ótedi. Bul týraly qalalyq ákimdiktiń baspasóz qyzmeti málim etti, dep habarlaıdy Almaty-akshamy.kz.
Ákimdik taratqan málimetke sáıkes, jarys 25-30 jeltoqsan aralyǵynda Balýan Sholaq atyndaǵy sport jáne mádenıet saraıynda ótedi.
Oǵan 50 memleketten 300-ge jýyq shahmatshy keledi. Ashyq týrnırlerge 176 er men 98 áıel qatysady. Chempıonattyń jeńiske úmitkerleri qazirgi álem chempıony Magnýs Karlsen (Norvegıa, jeltoqsandyq tizimdegi reıtıńi 2859, Hıkara Nakamýra (AQSH, 2768), Fabıana Karýana (AQSH, 2766), Ian Nepomnáshıı (FIDE, 2793), Anısh Gırı (Nıderland, 2764), Aleksandr Grıshýk (FIDE, 2745), Shahrıar Mamedárov (Ázerbaıjan, 2740), Ian-Kshıshtof Dýda (Polsha, 2729), Iýı Ianı́ (Qytaı, 2728), qazirgi chempıon Maksım Vashe-Lagrav (Fransıa, 2737 - Blıs), sonymen qatar basqa da ataqty shahmatshylar qatysady.
Áıelder arasynda Aleksandra Goráchkına (FIDE, 2584), Katerına Lagno (FIDE, 2563), Hampı Konerý (Úndistan, 2572), Tan Jongýı (Qytaı, 2518), Nana Dzagnıdze (Grýzıa, 2517), Harıka Dronavalı (Úndistan, 2507), Jansaıa Abdýmalik (Kazaqstan, 2496), Sarasadat Hamedalshareh (Iran, 2490), Antoaneta Stefanova (Bulǵarıa, 2442), qazirgi chempıondar Aleksandra Kosteınúk (FIDE, 2520 - rapıd) jáne Bıbisara Asaýbaeva (Kazahstan, 2440) sıaqty dańqty sportshylar jáne de basqa da myqty shahmatshylar oınaıdy.
Ashyq chempıonatqa qatysý úshin reıtıń 2550-den kem bolmaý kerek, áıelder arasynda 2250-den kem emes. Sonymen qatar qazirgi ulttyq chempıondar reıtıńten tys, FIDE prezıdenti tarapynan 10 nomınant, uıymdastyrýshylar tarapynan 15 nomınant (ashyq týrnır) jáne 10 nomınant (áıelder týrnıri úshin) qatysa alady.
Júlde qory - 1 mıllıon dollar.