Almatyda kóshpeli bult shyǵady.
Sınoptıkter Qazaqstanda 2022 jyldyń 21 jeltoqsanyna arnalǵan aýa raıy boljamyn usyndy, dep habarlaıdy Almaty-akshamy.kz.
«Qazgıdromet» RMK málimeti boıynsha, Jerorta teńizi sıklonynyń tereń depressıasymen jáne atmosferalyq frontaldy ýchaskelerdiń ótýimen elimizdiń basym bóliginde jaýyn-shashyn saqtalady, negizinen qar, kóktaıǵaq, qarly boran túrinde bolady.
Sondaı-aq jel men tuman kútiledi.
Astanada kóshpeli bult shyǵady, keı jerlerde qar jaýady, burqasyn soǵady. Ońtústik-batystan soǵatyn jel soltústik-batysqa aýysady, kúshi 9-14 m/s. Aýa temperatýrasy túnde -10...-12°S, kúndiz -7...-9°S.
Almatyda da kóshpeli bult shyǵady, kúnniń sońynda jaýyn-shashyn (jańbyr, qar) bolady. Soltústik-batystan 2-7 m/s jel soǵady. Aýa temperatýrasy túnde -4...-6°S, kúndiz +2...+4°S.
Shymkentte kóshpeli bult shyǵady, tańerteń jáne kúndiz jaýyn-shashyn (jańbyr, qar), kóktaıǵaq, burqasyn bolady. Batystan, soltústik-batystan soǵatyn jeldiń kúshi 8-13 m/s, tańerteń jáne kúndiz ekpini 15-20 m/s. Aýa temperatýrasy túnde jáne kúndiz -1...+1°S.