Almaty qalasynda 10-20 maýsym aralyǵynda shahmattan 26-shy jasóspirimder arasyndaǵy Azıa chempıonaty ótedi, dep habarlaıdy almaty-akshamy.kz.
Jasóspirimder arasyndaǵy bul týrnırge álemniń 34 elinen 650 oıynshy qatysady dep kútilýde. Jarysqa qatysýshylar 7-18 jas aralyǵynda jáne klasıka, rapıd jáne blıs formattarynda baq synamaq.
Chempıonatty Kazchess/Qazaqstan shahmat federasıasy men QR Týrızm jáne sport mınıstrligi, sondaı-aq Almaty qalasy ákimdigi jáne Qazaqstan tenıs federasıasy Azıa shahmat federasıasynyń qoldaýymen uıymdastyrdy. Sharanyń bas demeýshisi retinde Freedom Holding Corp.
Azıa chempıonaty – shahmat áleminiń bolashaq juldyzdary úshin mańyzdy alań. Qatysýshylar Iran, Jańa Zelandıa, Ózbekstan, Reseı, Vetnam, Úndistan, Qyrǵyzstan, Mońǵolıa, Sıngapýr, Qytaı jáne Ońtústik Koreıa sıaqty elderden keledi.
KazChess prezıdenti Tımýr Týrlovtyń aıtýynsha, osyndaı bedeldi týrnırdi ótkizý Qazaqstannyń shahmattaǵy pozısıasyn nyǵaıtýǵa jáne elimizde shahmatty tanymal etýge úlken áserin tıgizedi. Sonymen qatar, chempıonat jas shahmatshylar úshin baıypty básekelestik tájirıbe jınaýǵa tamasha múmkindik bolyp tabylady. Sonymen qatar, qatysýshylar men qonaqtarǵa Qazaqstannyń mádenıeti men dástúrlerimen tanystyrýǵa, Almatynyń tumsa tabıǵatyn kórsetý jaǵyn da umyt qaldyrmaǵan.
Chempıonatqa qatysýshylardyń arasynda Qazaqstannan kelgen Aldıar Ansat pen SýreshHarsh (Úndistan) esimdi eki halyqaralyq sheber jáne Amına Qaıyrbekova (Qazaqstan) men Maftýna Bobomýrodova (Ózbekstan) eki halyqaralyq áıelder sheberi bar.
Bul shara Almaty qalasy men Qazaqstannyń shahmat álemindegi bedelin arttyryp, jas shahmatshylarǵa ózderin kórsetýge jáne jańa esimderdi tanystyrýǵa múmkindik beredi. Týrnırdiń joǵary deńgeıde uıymdastyrylýy men qyzyqty is-sharalar baǵdarlamasy qatysýshylar men qonaqtardy qýantady.