Almatyda egjeı-tegjeıli josparlaýdyń (ETJ) jańa jobasy aıasynda qalada shaǵyn qabatty qurylysqa basymdyq beriledi. Bul týraly Almaty qalasy ákiminiń orynbasary Asqar Ámrın jańa ETJ-ny tanystyrý barysynda málimdedi.
«Búgin biz ETJ-ny basshylyqqa alý kerektigin aıtamyz. Qurylys salýshy alty qabatty turǵyn úıin ETJ-daǵy sharttardy eskerip, eskızdi maquldanǵannan keıin jobany júzege asyrady. Esterińizde bolsa, bes qabatty ǵımarattyń nóldik buryshynda toǵyz qabatty ǵımarattar salynǵan. Jańa ETJ-da munyń jolyn kestik jáne jańa qurylymǵa eshkim «bilgenin» isteı almas úshin bul aımaqtardy demalys oryndaryna aınaldyrdyq. Biz qalanyń óz erejesi bar ekenin túsindiremiz», - dedi Asqar Ámrın.
Jalpy, jańa ETJ saıabaqtardy, skverlerdi, býlvarlardy qosqanda, jalpy paıdalanymdaǵy jasyl jelekter alańyn 2030 jylǵa deıin 3 ese ulǵaıtýdy kózdeıdi.