TJM qutqarýshylary qyzyl jalynmen kúresýde
2025 jylǵy 16 aqpanda saǵat 20:11-de Almaty qalasy Tótenshe jaǵdaılar departamentiniń (TJD) kúshteri men quraldary joǵary dárejedegi shaqyrtý boıynsha Alataý aýdany, Rysqulov dańǵyly, 103/2a mekenjaıyna jedel jetti. Oqıǵa ornyna 20:17-de kelgende, qoımanyń ashyq jalynmen janyp jatqandyǵy anyqtalǵan, dep habarlaıdy aqshamnews.kz.
Órt sóndirýshiler dereý órt oqpandaryn engizip, avtosısternalardy órt gıdranttaryna qosyp, sýdyń úzdiksiz berilýin qamtamasyz etti. Oqıǵa ornynda jedel shtab qurylyp, órtti sóndirý eki ýchaskege bólindi, sondaı-aq órt sóndirý avtosatysy ornalastyryldy.
Qabyldanǵan jedel sharalardyń nátıjesinde órttiń kórshiles qoımalarǵa taralýyna jol berilmedi. Zardap shekkender joq. Órttiń shyǵý sebepteri anyqtalýda.
Almaty q. órt sóndirýshileri Rysqulov dańǵylyndaǵy bazar aýmaǵynda qoımanyń órtin sóndirýde. Oqıǵa ornyna Almaty q. TJD bastyǵy Nurlan Atyǵaevtyń qatysýymen órtti sóndirýge arnalǵan shtab jumyldyryldy. Qutqarýshylar joǵary dárejemen jumys isteýde.