12 qańtardaǵy jaǵdaı boıynsha, Almaty qalasynda 149 iri jáne orta sýpermarketterdiń 120-sy jumys isteıdi (80,5%). Tártipsizdik barysynda iri saýda jelileriniń 31 obektisi zardap shekti ("Magným" - 19, “Toımart" - 11, “Interfýd" - 1). Búginde barlyq 52 saýda bazary jumys isteıdi. Bazarlar arasynda zardap shekken nysandar anyqtalǵan joq, dep habarlaıdy Almaty-akshamy.kz
220 janar-jaǵarmaı quıý beketteriniń (JJQB) 127-si ashyldy (58%). 13 qańtardan bastap qosymsha 33 jelilik emes jeke JJQB (15%) ashý josparlanýda. Janar-jaǵarmaı quıý beketteriniń 74 nysany zardap shekti, onyń 14-i qalpyna keltirilip, jumys isteýde.
Qalada 93 iri saýda obektisi bar (SOSO, SO, SÚ). 11 qańtardan bastap 6 SOSO (“Globýs", "Spýtnık", "Rıts palas", "Alma-Ata", "Grand park", "Almaty moll"), sondaı-aq 60 SO jáne t.b. iske qosyldy. 12 qańtardan bastap 8 SOO ashý josparlanýda ("Dostyq plaza"," Mega park"," Mega Alma-Ata"," Atakent moll"," Mart"," Sılkýeı sıtı"," Alataý","ADK"). 17 nysan ("Máskeý", "MBO", "Azıa park", "Almaly", "Maksıma", "Asyl" SO, "Nur" SÚ, "Alma-Ata" SÚ, "Arena" SÚ, "Domıllıon" SÚ, "12 aı" SÚ, "Promenad" SÚ, "Pasaj" SÚ, "Megataý" SÚ, "Mereı" SÚ, "Mobıl" SÚ, "Sıtı sentr"SÚ) qaıta jańartylýǵa jatady. "Esentaı moll", "Forým" SOSO qaladaǵy jaǵdaıdyń turaqtanýyn kútýde, sodan keıin kelýshiler úshin ashyq bolady.
Búgingi kúni 3,2 myń qoǵamdyq tamaqtaný obektileriniń 1,5 myńy jumys kestesimen saǵat 09.00-den 18.00-ge deıin, TJ-niń sońyna deıin spırttik ishimdikterdi satpaı ashyldy. 39 qoǵamdyq tamaqtaný nysany zardap shekti.
Búginde 120 kásiporynnyń 82-i jumys isteıdi. 19 qańtarǵa deıin 38 kásiporyndy iske qosý josparlanýda.