Almatydaǵy saýda ortalyqtarynyń birinde jappaı satylym kezinde tutynýshylardyń kóptep jınalýynan kútpegen jaǵdaı boldy. Áleýmettik jelide kýágerlerdiń oqıǵa ornynan túsirgen vıdeosy tarady.
Halyqtyń tyǵyzdyǵy sonshalyq, birneshe saýda orny men dúken sórelerin qıratty. Tártipti qalpyna keltirý jáne kelýshilerdiń qaýipsizdigi úshin polısıa shaqyrylyp, adamdardy evakýasıalaýǵa týra keldi, - delingen vıdeodaǵy jazbada.
Buǵan qatysty Almaty qalasynyń PD baspasóz qyzmeti de túsinik berdi.
«Almaty qalasynyń polısıa departamenti saýda ortalyǵynda kópshilikti dúrliktirgen aksıany uıymdastyrǵan býtık ákimshisiniń jaýapqa tartylatynyn, onyń áreketine quqyqtyq baǵa beriletinin habarlaıdy», - delingen resmı habarlamada.