16-17 jeltoqsanda Almatyda 9 sm-ge jetetin qar jaýyp, ony jappaı tazalaý boıynsha jumystar júrgizildi. Jolǵa kóktaıǵaqqa qarsy materıal sebilip, qardy joldyń jıegine qaraı tyrmalap úıip, ony jappaı shyǵarý jumysy júrgizilýde.
Saǵat 17:00-degi jaǵdaı boıynsha 6300 m3 qar shyǵaryldy.
Qar shyǵarý boıynsha negizgi jumystar túngi kezeńge josparlanǵan. Óıtkeni sol kezde jol qozǵalysy báseńdep, jol jıegine turaqtaǵan kólik sany birshama azaıady.
Trotýarlardy, kópshilik oryndardy, aıaldamalary tazalaýǵa erekshe kóńil bólinýde. 185 birlik shaǵyn kólemdi arnaıy tehnıkanynyń kómegimen trotýarda mehanıkalandyrylǵan jınaý júrgizilýde.
Sonymen qatar, tehnıkanyń ótýi múmkin emes trotýarlarda (baspaldaqtar, pandýstar jáne t.b.), sondaı-aq qoǵamdyq aıaldamalardy 425 jumysshy qar men muzdan qolmen tazalap jatyr. Barlyǵy 344 birlik arnaıy tehnıka men 840 jol jumysshysy jumyldyryldy.
Aýdan ákimdikterinde qar jınaý jumystarynyń júrgizilýin baqylaý boıynsha táýliktik kezekshilik uıymdastyryldy.
Aýa temperatýrasy búgin 0 gradýstan -2 gradýs, túnde -4...-6. Erteń 18 jeltoqsan 0...-2 bolady dep kútilýde. Al 20 jeltoqsanǵa deıin jaýyn-shashyn bolmaıdy..
Qalalyq sharýashylyq jumysyndaǵy problemalar týraly táýlik boıy Open Almaty 1308 telefony arqyly habarlaýǵa nemese +7 706 689 8898 What's App nómirine shaǵym jazýǵa bolady.