Almaty bólimshelik kóliktegi sanıtarıalyq-epıdemıologıalyq baqylaý basqarmasynyń negizgi mindetteriniń biri – halyqqa sapaly memlekettik qyzmet kórsetý. Bul qyzmetter elimizdiń zańnamasyna sáıkes, azamattardyń quqyqtaryn qorǵaý jáne sanıtarıalyq-epıdemıologıalyq qaýipsizdikti qamtamasyz etý maqsatynda júzege asyrylady.
Memlekettik qyzmet kórsetý barysynda teń qoljetimdilik, ashyqtyq, tıimdilik jáne tóreshildikke jol bermeý qaǵıdattary qatań saqtalady. Barlyq qyzmetter "Elektrondyq úkimet" portaly (www.egov.kz, www.elicense.kz) arqyly kórsetilip, jeke jáne zańdy tulǵalarǵa tegin usynylady.
Almaty bólimshelik kóliktegi sanıtarıalyq-epıdemıologıalyq baqylaý basqarmasy temirjol, sý, áýe kólikteri jáne metropolıten nysandaryna qatysty mynadaı úsh memlekettik qyzmetti kórsetedi:
- Epıdemıologıalyq mańyzy joǵary nysandarǵa sanıtarıalyq-epıdemıologıalyq qorytyndy berý.
- Qorshaǵan ortaǵa zıandy zattardyń áseri men ónimderdiń normatıvtik talaptarǵa sáıkestigin rastaıtyn sanıtarıalyq-epıdemıologıalyq qorytyndy berý.
- Tamaq ónimderin óndirý nysandaryna eseptik nómir berý jáne olardyń tizilimin júrgizý.
Azamattar memlekettik qyzmet kórsetý mártebesin "Jeke kabınet" arqyly nemese 1414, 8 800 080 7777 biryńǵaı baılanys ortalyǵyna habarlasyp bile alady. Sondaı-aq, nashar kóretinderge arnalǵan arnaıy nusqa portal arqyly qoljetimdi.
Qyzmet kórsetýge ótinish bildirgen kezde keıbir jaǵdaılarda zańnamaǵa sáıkes bas tartylýy múmkin. Oǵan kelesi sebepter jatady:
- Usynylǵan qujattar men málimetterdiń durys bolmaýy;
- Sanıtarıalyq-epıdemıologıalyq talaptarǵa sáıkes kelmeýi.
Memlekettik qyzmetter týraly tolyq aqparat gov.egov.kz portalynda ornalastyrylǵan. Almaty bólimshelik kóliktegi sanıtarıalyq-epıdemıologıalyq baqylaý basqarmasy halyqqa qoljetimdi jáne sapaly qyzmet kórsetýdi jalǵastyrady.