Almatyda qoǵamdyq keńistik - Saıran sý qoımasyn rekonstrýksıalaý boıynsha aýqymdy joba aıaqtalýǵa jaqyn. Kóshpeli baspasóz týry barysynda BAQ ókilderi rekonstrýksıanyń aǵymdaǵy kórinisimen tanysty jáne qalanyń negizgi aımaqtarynyń biri qalaı ózgeretinin kórdi, dep habarlaıdy aqshamnews.kz.
Joba basshysy Rınat Zilmuhamedovtyń aıtýynsha, nysannyń daıyndyǵy 90% - dan asady. Búgingi tańda jaǵalaý syzyǵyn nyǵaıtý, ınjenerlik jelilerdi tóseý jáne bóget salý boıynsha negizgi ınjenerlik jáne qurylys jumystary oryndaldy. Qazir sońǵy kezeń júrip jatyr — aýmaqty abattandyrý, shaǵyn sáýlet nysandaryn ornatý jáne kógaldandyrý. Barlyq jumystardy belgilengen merzimde - aǵymdaǵy jyldyń mamyr aıynyń sońyna deıin aıaqtaý josparlanýda.
Saıran sý qoımasyn qaıta qurý barysynda mynadaı jumys túrleri júrgizildi: 12 myń m2 asfált jáne 13 myń m2 tas tóseý, 563 birlik syrtqy jaryqtandyrý jáne shuǵyl habarlaý júıesi bar 50-ge jýyq beınekamera ornatý, 3 myńnan astam aǵash jáne 3 myń buta otyrǵyzý, 30 ga túrli shópter, jaǵajaı aımaǵyn jaılastyrý úshin 6,5 myń tonna qum ákelindi. Alańda eki qutqarý stansıasy, eki polısıa beketi jáne bes qoǵamdyq dárethana salyndy.
Jobaǵa Almaty ákiminiń orynbasary Álisher Ábdiqadyrov jetekshilik etedi. Joba barlyq jas toptaryn eskere otyryp júzege asyrylady jáne ınklúzıvti erekshe qajettilikteri bar adamdarǵa arnalǵan ınfraqurylym bolyp tabylady dep atap ótti ol. Munda uzyndyǵy 2,5 km keń taqtaısha, jaı serýendeýge, belsendi demalýǵa jáne otbasylyq demalysqa arnalǵan aımaqtar paıda bolady. Skeıtpark, velopark, rollo parki, parkýr alańdary, fýtbol jáne voleıbol alańdary, oıyn elementteri bar balalar qalashyǵy qajetti qurylǵylarmen jabdyqtalady jáne ıtterdi serýendeýge arnalǵan aımaq bolady. Sondaı - aq, sý qoımasyna mańynda gúldengen lotostara, pergolalara bolady, demalys oryndary táýlik boıy baqylanady-barlyǵy jaıly, qaýipsiz jáne demalystyń alýan túrin paıdalanýǵa bolady.
«Saıran sý qoımasynyń aýmaǵyn abattandyrý jobasy-zamanaýı jáne jaıly qoǵamdyq keńistikti qurýdaǵy mańyzdy qadam. Biz ony jaqyn mańdaǵy aýdandar úshin ǵana emes, qalanyń barlyq turǵyndary men qonaqtary úshin de tartymdylyq núktesine aınaldyrýǵa tyrysamyz», — dep atap ótti Almaty ákiminiń orynbasary Álisher Ábdiqadyrov.
Esterińizge sala keteıik, Saıran sý qoımasy 1971 jyldan beri jumys isteıdi. Munda 1988-1989 jyldary asfált joldar men kóshelerdi jaryqtandyrý ornatyldy, biraq sodan beri jaǵalaýdy kúrdeli abattandyrý júrgizilmedi. Almaty ákimi Erbolat Dosaevtyń tapsyrmasy boıynsha barlyq jumystar jobalyq sheshimderge jáne qurylys standarttaryna barynsha sáıkes, qatań ári sapaly oryndalýy tıis. Jobanyń iske asyrylýy turaqty baqylaýda, qala turǵyndaryna arnalǵan demalys aımaǵynda júrgizilip jatqan jumystar belgilengen merzimderge, qaýipsizdik pen yńǵaılylyqqa erekshe nazar aýdara otyryp, júzege asyrylýda.
