Astanadaǵy QR Prezıdentíníń ortalyǵynda «Astana Eurasian Book Fair-2025» VIII Halyqaralyq kítap kórme-jármeńkesí ótíp jatyr.
Kítap kórme-jármeńkesíníń ūıymdastyrushysy – «Folıant» baspasy», dep habarlaıdy aqshamnews.kz.
Kórmege Qazaqstan, Reseı, Túrkıya, Ispanıya, Iran, Ózbekstan, Portugalıya jáne Qytaı elderínen 70-ke juyq baspa, kítap satu, tanymdyq-ǵylymı bílím beru jáne polıgrafıyalyq kompanıya qatysuda.
Kórmeníń basty maqsaty – kítap oqudy nasıhattau, oqu mádenıetín qalyptastyru, kítap naryǵyndaǵy jańa ónímderdí kópshílíkke tanystyru, baspa ísíndegí zamanauı tehnologıyalardy kórsetu jáne halyqaralyq áríptestíktí damytu.
Kórmege Qazaqstan Respublıkasynyń Memlekettík keńesshísí Erlan Qarın kelíp, memleket basshysy Qasym-Jomart Toqaevtyń Atyrau qalasynda ótken Ūlttyq qūryltaıda qūryltaı músheleríníń Ūlttyq kítap kúnín belgíleu turaly bastama kótergenín atap óttí.
Prezıdenttíń būl bastamasy qoldauǵa ıe bolyp, bıyl «Ūlttyq kítap kúnín» alǵash ret atap ótudemíz. Qazírgí qoǵamnyń negízí úsh tíregí – ǵylym, mádenıet jáne bílím. Osynyń ayasynda halyq arasynda jalpyūlttyq saualnama júrgízemíz dep sheshtík. Saualnama nátıjesíne sáıkes, tańdauly 100 kítaptyń tízímín jasaqtaımyz. Onyń maqsaty – azamattardy avtorlardy, tuyndylardy talqylauǵa shaqyru. Saualnama eFov Mobile portaly arqyly júrgízíledí. Kez kelgen elímízdíń azamaty portalǵa tírkelíp, ózíníń 10 súıíktí tańdauly kítabyn ūsyna alady. Kítaptardyń janry ártúrlí boluy múmkín. Osylaısha, zertteu júrgíze otyryp, eń úzdík 100 kítapty jasaqtaımyz. Saualnama úsh aı boıy júrgízíledí. Nátıjesí tamyz aıynda Abaı kúní qarsańynda belgílí bolady, – dedí ol.
Ís-shara ayasynda balalarǵa, jasóspírímderge jáne eresekterge arnalǵan jańa kítaptardyń tūsaukeser rásímderí, belgílí jazushylarmen jáne aqyndarmen kezdesuler men avtograf-sessıyalar, baspa salasynyń mamandaryna arnalǵan kásíbı píkírtalastar men kezdesuler, sondaı-aq balalarǵa arnalǵan kítap oqu sessıyalary, sheberlík sabaqtary men shyǵarmashylyq kezdesuler ūıymdastyrylǵan. Sonymen qatar qatysushylar úshín qūndy syılyqtar oınatylady.
Kórmeníń dástúrlí bólígí bolyp sanalatyn «Jyldyń úzdík kítaby» baıqauy myna nomınatsıyalar boıynsha ūıymdastyryldy: «Jyl kítaby», «Úzdík debyut», «Úzdík kórkem ádebıet tuyndysy», «Non-fıkshn janryndaǵy úzdík kítap» jáne «TÚRKSOI-dyń Gran-prıí».
Aıta keteıík, kítap kórmesí 23-27 sáuír kúnderí aralyǵynda jalǵasady.