Bul týraly saılaý boıynsha jalpyqalalyq baspasóz ortalyǵynyń alańynda Baqylaýshylar mektebiniń basshysy Aleksandr Bratenkov aıtty.
Onyń aıtýynsha, aralas daýys berý júıesin eskersek, bul saılaýdyń mańyzy zor. Baqylaýshylar mısıasy ádil jáne ashyq saılaý ótkizýge kedergi keltiretin kez kelgen quqyq buzýshylyqtardy baqylaý, túzetý jáne aldyn alý bolyp tabylady, dep habarlaıdy Almaty-akshamy.kz.
«Saılaý tek kandıdattarǵa, daýys berýshilerge ǵana emes, táýelsiz baqylaýshylarǵa da jaýapkershilik júkteıdi. Men jáne áriptesterim táýelsiz baqylaýshylardy tańdap, oqyttyq. Táýelsiz baıqaýshylardyń quramyna ártúrli adamdar kirdi. Olar - jastar, jas sanatyndaǵy adamdar jáne ártúrli áleýmettik toptar», - dep bólisti spıker.
Onyń aıtýynsha, Almatyda saılaýdy baqylaý boıynsha 8 qoǵamdyq uıym akredıtasıadan ótti.
«Baıqaýshylardyń bári birdeı saılaý prosesin saýatty jáne bilikti túrde baqylaı almaıdy. Mine sol sebepti, Almatyda «Daýys» qoǵamdyq baqylaýshylar koalısıasynyń bastamasymen baıqaýshylar mektebi quryldy – bul respýblıkalyq qoǵamdyq birlestik», - dep bólisti spıker.
Sondaı-aq, baqylaýshylardy daıyndaý barysynda aqparattyq jumys pen áleýmettik jelidegi jumysqa kóńil bólindi, dep atap ótti Baqylaýshylar mektebiniń treneri Sáýle Alpysova.
«Aqparatpen jumys isteý, atap aıtqanda aqparatty durys jetkizý jáne áleýmettik jelilerde jumys isteý boıynsha trenıń ótkizdim. Aqparatpen tek jýrnalıser ǵana emes, baqylaýshylar da jazyp, jumys isteı bilýi kerek», - dedi ol.
Jalpy, Almatyda saılaý barysy shtattyq rejımde ótýde. Baqylaýshylar ókilderiniń aıtýynsha, ýchaskelerdi aıtarlyqtaı zańbuzýshylyqtar tirkelgen joq