Jetisý aýdanyndaǵy №43 mektepte ornalasqan №343 saılaý ýchaskesinde eki ǵasyrdyń kýási Qansha Jaqsybaeva daýys berdi. Keıýanany saılaý ýchaskesine qyzy Kenje arnaıy kólikpen alyp keldi.
Shaharymyzdyń eń qart turǵyny Qansha Jaqybaıqyzy 1916 jyly 18 shildede dúnıege kelgen. Bul kúnde 26 nemere, 36 shóbere,19 shópshek kórip otyr. Jastaıynan taǵdyr taýqymetin tartyp, ómirdiń bar belesinen ótti. Uzaq jyldar boıy kolhozdyń qyzylshasyn ekti. Qoı baqty, sıyr saýyp, saýynshy da boldy. Qara jumystyń barlyǵyn atqaryp, jumysshy boldy. Naǵyz eńbek adamy atandy.
– Elimizdegi saıası naýqannan meniń de qalys qalǵym kelmedi. Sondyqtan, saılaý komısıasyna ótinish bildirip, saılaýdy kózimmen kórip qatysaıyn dep sheshtim. Meniń daýsymnyń az da bolsa, elimizdiń órkendeýine sebi tıer dep oılaımyn. Men keleshek úshin daýys berdim, - deıdi qalamyzdyń qart turǵyny.