Qylmys beınebaqylaý kameralaryna jazylǵan.
Polısıaǵa habarlama mekeme basqarýshysynan keldi, dep habarlaıdy Almaty-akshamy.kz Polisia.kz-ke silteme jasap.
«Jedel izdestirý is-sharalary barysynda urlyq jasady degen kúdikpen 40 jastaǵy qala turǵyny anyqtaldy. Áıeldiń asqanaǵa kirgeni belgili boldy. Ákimshimen sóıleskende, ol aqsha jınaýǵa arnap ornatylǵan qorapqa nazar aýdarǵan. Onyń is-áreketin eshkim baqylamaıtynyn paıdalanyp, ol qolma-qol aqshany urlap ketken», – deıdi Almaly aýdandyq PB bastyǵynyń orynbasary Vladımır Reshetnıkov.
Sadaqa jáshigi qaıyrymdylyq uıymdarynyń birine tıesili ekeni anyqtaldy. Aıtpaqshy, Sh.esimdi áıel buǵan deıin de osyǵan uqsas qylmystar úshin birneshe ret jaýapqa tartylǵan bolatyn. Qazirgi ýaqytta QR QK-niń 188-baby 1-bóliginde kózdelgen qylmys belgileri boıynsha qylmystyq is tergelýde.