Astana jáne Qazaqstan mıtropolıti Aleksandr Almaty qalasynda Rojdestvo merekesine oraı ótetin dinı rásimderdiń bastalý ýaqyty týraly aıtty, dep habarlaıdy aqshamnews.kz
— Qazaqstanda Islam dininiń Hanafı mázhaby men Pravoslavıelik hrıstıandyqtyń merekelerin toılaý dástúri ejelden qalyptasqan. Isa Másihtiń týǵan kúnin toılaý kezinde biz beıbitshilik pen dostyqtyń órkendeýin, dushpandyq pen zulymdyqtyń joıylýyn tilep, duǵa etemiz, — dedi mıtropolıt.
Almaty qalasyndaǵy negizgi Rojdestvo qulshylyqtary 28 gvardıashy-panfılovshylar atyndaǵy saıabaqta ornalasqan Voznesensk kafedraly shirkeýinde ótedi. Merekelik sharalar qańtardyń 6-synan 7-sine qaraǵan túni saǵat 23:00-de bastalady.
Kerek derek
Rojdestvo — hrıstıan álemindegi eń basty merekelerdiń biri. Ol Isa Másihtiń dúnıege kelýin atap ótedi. Pravoslav shirkeýiniń dástúrine saı, mereke 7 qańtarda atap ótiledi. Merekelik qulshylyqtar, duǵalar jáne jaryq shyraq jaǵý rásimderi beıbitshilik pen meıirimdilikti dáripteýge baǵyttalǵan.