Almatyda İ respýblıkalyq mobılografıa festıvaliniń jeńimpazdary marapattaldy.
Qazaqstan Respýblıkasy Prezıdenti janyndaǵy «Dara» daryndylardy qoldaý qory uıymdastyrǵan sharaǵa 16 jas pen 40 jas aralyǵyndaǵy 7,5 myńnan astam qazaqstandyq mobılograf qatysty, dep habarlaıdy Almaty-akshamy.kz 24.kz-ke silteme jasap.
Baıqaýdyń birinshi kezeńinde 1537 jumys qazylardyń irikteýinen ótti. Ekinshi kezeńde sarapqa salynǵan 100 beınerolıkten úzdik shyqqan 20 jumystyń avtory Nú-Iork kıno óneri akademıasynda taǵylymdamadan ótýge joldama aldy. Al 40 jeńimpaz aqshalaı syılyqpen marapattalsa, taǵy 40 qatysýshyǵa mobılografıa kýrsyn onlaın oqýǵa múmkindik berildi. Uzaqtyǵy 2 mınýttyq beınerolıkter «Mádenıet pen salt-dástúr», «Týrızm», «Adamdar» taqyryby boıynsha túsirildi. Festıváldiń maqsaty – jastardy qoldaý, olardyń shyǵarmashylyq áleýetin júzege asyrý jáne Qazaqstandaǵy kreatıvti ındýstrıany damytý.
«Barynsha sapaly túsirdik. Tarazdan búkil jumysymyzdy tastap, osy jerge arnaıy keldik. Qazir bizde mobılograftar telfonmen ádemi vıdeo túsirgisi keledi. Biraq olar telefonmen jaqsy qylyp túsire almaıdy. Iaǵnı, korotkometrajnyı reklamnyı vıdeorolıkti qalaı jetkizý kerek, sonyń barlyǵyn men telefonǵa túsirip, kórsete bildim», - deıdi mobılograf Nazar Sársen.
«Bul jerde prodúser, uıymdastyrýshy retinde basty maqsatym, jastarǵa uıymdastyrý kerek, kishkentaı bir arman bolsyn degen sıaqty. Qarjylaı jaǵynan bolsyn. Jaqynda Nú-Iork fılm akademıasynyń rektorymen kezdesip, aýyldy jerlerden, mysalǵa, Nú-Iorkke baryp, sol jerde oqyp, jańaǵy qordyń demeýshileriniń arqasynda osy jastarymyz óziniń ortalaryn tabady degen oı boldy», - deıdi «Dara» daryndylardy qoldaý qorynyń prezıdenti Nurlan Qoıanbaev.