Zańsyz jumys istegen sheteldik azamattardy polısıa qyzmetkerleri anyqtady.
Polisia.kz málimetinshe, zańsyz eńbek etýshiler «Nelegal» respýblıkalyq jedel aldyn alý is-sharasy barysynda anyqtaldy. Bul is-shara 2-8 qazan aralyǵynda ótedi, dep habarlaıdy Almaty-akshamy.kz.
«Maqsat – zańsyz júrgen sheteldikterdi anyqtaý, sondaı-aq zańsyz kóshi-qon arnalarynyń jolyn kesý. İs-shara aıasynda qalanyń Naýryzbaı aýdanynda QR-nyń kóshi-qon zańnamasyn buzǵan Ózbekstannyń 15 azamaty ustaldy. Olar qurylys jáne jol jumystaryna zańsyz tartylǵan. Tekserý kezinde sheteldikterdiń jeke basyn kýálandyratyn qujattary bolmaǵan. Olar PD-nyń qabyldap-taratýyna ornalastyryldy. Árbir quqyq buzýshynyń jeke basyn anyqtaý jumystary júrgizilýde», – dep habarlady Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.
Sondaı-aq polısıa memlekettik shekarany zańsyz kesip ótken Reseı Federasıasynyń 35 jastaǵy azamatshasyn ustaǵany týraly habarlady. Atalǵan derek boıynsha QR QK-niń 392-babyna sáıkes qylmystyq is tirkelip, tergelip jatyr.