Esh jerde jumys istemeıtin 20 jastaǵy A.esimdi azamat qylmysyn tek túngi ýaqytta jasaǵan.
Almaly aýdandyq polısıasynyń habarlaýynsha, jolda jalǵyz kele jatqan qyzdarǵa jaqyndap, artynan tunshyqtyryp, sodan keıin barlyq baǵaly zattaryn alyp ketip otyrǵan, dep habarlaıdy Almaty-akshamy.kz Polisia.kz-ke silteme jasap.
«Jedel izdestirý is-sharalary barysynda 20 jastaǵy Jambyl oblysynyń turǵyny ustaldy. Qazirgi ýaqytta tonaý boıynsha úsh derekti anyqtadyq. Bir epızod beınebaqylaý kameralaryna túsip qalǵan. Qyzdar tótep bere almaıtyn jaǵdaıǵa jetken kezde, ol barlyq qundy zattardy: uıaly telefondardy, aqshany alyp, qarańǵy kóshelerde tyǵylyp qaldy. Sondaı-aq, qaskóı jábirlenýshiden tartyp alǵan aqshamen dúkende tólem jasap jatqan derek te tirkeldi. Jas jigit óz isin moıyndady. Qazir kúdiktiniń jeke basy qala aýmaǵynda osyǵan uqsas, buryn jasalǵan qylmystarǵa qatysy bar-joǵy tekserilýde. Sotqa deıingi tergeý amaldary júrgizilýde», – dedi Almaly aýdandyq polısıa basqarmasynyń bastyǵy Esen Ysqaqov.