Qytaıdyń mádenı murasy óziniń aýqymymen tań qaldyrady
29 qyrkúıek kúni Memlekettik ortalyq mýzeıde «Qytaıdyń álemdik mura nysandary» halyqaralyq fotokórmesi ótedi, dep habarlaıdy Almaty-akshamy.kz.
Qazaqstan Respýblıkasy Memlekettik ortalyq mýzeıi 17 jyl boıy Almaty qalasyndaǵy Qytaı Halyq Respýblıkasynyń Bas konsýldyǵymen yntymaqtastyqty jalǵastyryp, mádenı baılanys aıasynda Qytaı tarıhy, mádenıeti men óneri boıynsha birlesken jobalardy iske asyryp keledi.
Yntymaqtastyqty jalǵastyra otyryp, QR Memlekettik ortalyq mýzeıi Qytaı Halyq Respýblıkasynyń Bas konsýldyǵymen birlesip, Qytaı Halyq Respýblıkasynyń qurylǵan kúnine arnalǵan 2022 jylǵy 29 qyrkúıek kúni saǵat 16.00-de kórermender nazaryna «Qytaıdyń álemdik mura nysandary» halyqaralyq fotokórmesin usynady.
Qytaı-kóptegen tarıhı eskertkishter saqtalǵan ejelgi órkenıet pen erekshe mádenıettiń eli. Qytaıdyń mádenı murasy óziniń aýqymymen tań qaldyrady.
Fotoekspozısıanyń maqsaty - kelýshilerdi Qytaıdyń baı tarıhı-mádenı jáne tabıǵı murasymen tanystyrý.
«Qytaıdyń álemdik mura nysandary» kórmesinde IýNESKO-nyń búkilálemdik mura tizimine engizilgen jáne álemniń qazynasy bolyp tabylatyn Qytaıdyń tarıhı jáne mádenı eskertkishteriniń fotosýretteri qoıylǵan. Kelýshilerdiń nazaryna «Uly Qytaı qabyrǵasy», «Imperator Sın Shıhýandıdiń qabiri jáne terakotalyq músinder», «Ýdanshan taýlaryndaǵy ejelgi ǵımarattar kesheni», ejelgi Lıszán qalasy, Súıfýdaǵy Konfýsıı ǵıbadathanasy, «Mogao úńgirleri», «Lýshan ulttyq parki», «Sýchjoý qalasyndaǵy klasıkalyq baqtar», «Daszýdyń jartastaǵy relefteri» jáne t. b.
Kórmege ejelgi órkenıettiń injý-marjandarynyń 59 astam fotosýreti qoıylǵan. Shyǵarmalardyń avtorlary - tanymal Qytaı fotograftary-CHjoý Szánıen, Sýn Chjıszún, Tan Mın jáne t. b.
Kórmeniń resmı ashylý saltanatynda QR Memlekettik ortalyq mýzeıiniń dırektory Rashıda Harıpova, Qytaı Halyq Respýblıkasynyń Almatydaǵy Bas konsýly Szán Veı sóz sóıleıdi.