Sol mańda jol jıeginde turǵan kólikke zaqym keldi.
Kólik ıesi onyń shyǵynyn qalaı ótep alaryn bilmeı álek, dep habarlaıdy Almaty-akshamy.kz. QazAqparatqa silteme jasap.
Káriz qaqpaǵy atylyp shyǵyp, jeńil avtokólikti zaqymdaǵany týraly vıdeo áleýmettik jelide tarady.
«Atylyp ushqan káriz qaqpaǵy kóligimdi qıratty. Kólikpen ótip bara jatqan jáne jaıaý adamdardyń sózinshe, káriz qaqpaqtary joldyń qarsy betinde jáne Saın-Rysqulov kósheleriniń qıylysy tusynda da ushyp shyqqan (munda da kólik búlingen).
Shamasy káriz júıesinde gaz atylǵan bolsa kerek. Endi kóligimniń shyǵynyn kim óteıtinin bilmeımin», - dep jazdy kólik ıesi jelide.
Osyǵan baılanysty «Almaty Sý» memlekettik komýnaldyq kásipornynyń málimetinshe, zaqymdalǵan kólikti «Almaty Sý» MKK qalpyna keltiretin bolady.
«10 mamyrda Saın dańǵylyndaǵy avtoturaqta turǵan avtokólik sý burý júıesinde ornatylǵan jabyq káriz qudyǵynan ushyp shyqqan lúktiń saldarynan zaqymdandy. Oqıǵa saldarynan qaza tapqandar men zardap shekkender joq. Bolǵan jaǵdaıdyń sebebin anyqtaý úshin arnaıy ishki komısıa quryldy. Zaqymdalǵan avtokólik QR zańnamasynda belgilengen tártippen «Almaty Sý» MKK kómegimen qalpyna keltiriledi», - dep habarlady kompanıadan.